రాజస్థాన్‌లోని జోధ్‌పూర్‌లో విక్రమ్ సంవత్ 2082, భద్రపద శుక్ల త్రయోదశి, చతుర్దశి, పౌర్ణిమ అంటే సెప్టెంబర్ 5, 6, 7 తేదీలలో రాష్ట్రీయ స్వయంసేవక్ సంఘ్ (ఆర్ఎస్ఎస్) అఖిల భారతీయ సమన్వయ బైఠక్ జరుగుతుంది. ఈ అఖిల భారతీయ బైఠక్ సాధారణంగా సంవత్సరానికి ఒకసారి మూడు రోజులు నిర్వహిస్తారు. గత సంవత్సరం, ఈ బైఠక్ కేరళలోని పాలక్కాడ్‌లో సెప్టెంబర్ 2024లో జరిగింది.
32 ఆర్ఎస్ఎస్-ప్రేరేపిత సంస్థల నుండి ఎంపిక చేసిన ఆఫీస్ బేరర్లు ఈ బైఠక్‌లో పాల్గొంటారని ఆర్ఎస్ఎస్ అఖిల భారత ప్రచార ప్రముఖ్ సునీల్ అంబేకర్ తెలిపారు. ఈ సంస్థలన్నీ సంఘ్ ఆలోచనలకు అనుగుణంగా వివిధ రంగాలలో సానుకూలంగా పనిచేస్తున్నాయని చెప్పారు. ఈ సంస్థలు ప్రజాస్వామ్య మార్గాల ద్వారా సామాజిక మార్పు తీసుకురావడానికి, ప్రజా జీవితంలో వ్యవస్థలను మెరుగుపరచడానికి నిరంతరం కృషి చేస్తున్నాయని వివరించారు.
ఈ సమావేశంలో, అన్ని సంస్థలు తమ క్షేత్రస్థాయి అనుభవాల ఆధారంగా పరిస్థితిని అంచనా వేస్తాయి. బైఠక్‌లో, జాతీయ ఐక్యత, భద్రత, సామాజిక సమస్యల దృక్కోణం నుండి ముఖ్యమైన అంశాలను వివరంగా చర్చించారు. అలాగే, కొనసాగుతున్న పనుల కోసం పరస్పర సమన్వయాన్ని ఏర్పాటు చేయడానికి అవసరమైన చర్యలు ప్రారంభిస్తారని అంబేకర్ వివరించారు.
ఈ బైఠక్ సందర్భంగా, ఇటీవలి ముఖ్యమైన సంఘటనలపై సమిష్టి విమర్శనాత్మక విశ్లేషణ కూడా జరుగుతుంది. అంతేకాకుండా, వివిధ సంస్థల కార్యకర్తలు తమ పని, భవిష్యత్తు ప్రణాళికల గురించి సమాచారాన్ని అందిస్తారు. సంఘ శతాబ్ది కార్యక్రమాలకు సంబంధించి అన్ని సంస్థల భాగస్వామ్యంపై కూడా చర్చ జరుగుతుందని ఆయన తెలిపారు.
ఈ బైఠక్‌లో, సర్ సంఘచాలక్ డాక్టర్ మోహన్ భగవత్ జీతో పాటు, సర్ కార్యవాహ దత్తాత్రేయ హోసబలే , ఆరుగురు సహ సహా కార్యవాహులు, ఇతర కీలక ప్రతినిధులు పాల్గొంటారు. రాష్ట్ర సేవిక సమితి, వనవాసి కళ్యాణ్ ఆశ్రమం, విశ్వ హిందూ పరిషత్, అఖిల భారతీయ విద్యార్థి పరిషత్, భారతీయ జనతా పార్టీ, భారతీయ కిసాన్ సంఘ్, విద్యా భారతి, భారతీయ మజ్దూర్ సంఘ్ వంటి 32 సంఘ్-ప్రేరేపిత సంస్థల జాతీయ అధ్యక్షులు, జాతీయ ఆర్గనైజింగ్ కార్యదర్శి, కీలక ప్రతినిధులు పాల్గొంటారు.
More Stories
జర్మనీ వైపు చూస్తున్న భారతీయ విద్యార్థులు
ఇది ప్రతి భారతీయుడి విజయం
నేపాల్ సుస్థిరత భారత్‌కు ఎంతో కీలకం