ప్రజాస్వామ్య పునాదులపై రాహుల్ కుట్రలు !

మహదేవపూర్ అసెంబ్లీ నియోజకవర్గంలో రాహుల్ గాంధీ బయట పెట్టిన అంశాలపై మీడియా ఫ్యాక్ట్ చెక్ చేసింది.   ఓ చిన్న ఇంట్లో ఎనభై మంది ఓటర్లను చూపిస్తున్నారని రాహుల్ అన్నారు. అక్కడికి వెళ్లి మీడియా చెక్ చేస్తే అది నిజమని తేలింది.  అక్కడ ఓటర్లెవరూ లేరు. ఎందుకంటే లేరంటే వారంతా వలస కూలీలు. గుర్తింపు కార్డు కోసం రెంటల్ అగ్రిమెంట్ తో ఓటు నమోదు చేసుకుంటారు. మరో చోట ఉపాధి దొరికగానే వెళ్లిపోయారు.  కానీ ఓటర్ జాబితాలో పేరు అలాగే ఉంది.  

అన్ని ఆరోపణలు చేయడం, తరువాత రాజ్యాంగం వ్యవస్థకు క్షమాపణలు చేయడం ప్రతిపక్ష నేతకు పరిపాటిగా మారిపోయింది. నిన్నటి వరకూ రాహుల్ గాంధీ ఎక్కువగా ఈవీఎంలను నిందించేవారు. ఈవీఎంలను మేనేజ్ చేసి గెలుస్తున్నారని వాదిస్తూ వచ్చారు. కానీ హఠాత్తుగా ఈవీఎంల గురించి మర్చిపోయారు. ఓటర్ల జాబితాలను తెరపైకి తెచ్చారు.

బీహార్‌లో అక్రమంగా వలస వచ్చిన వారిని ఓటు బ్యాంకుగా చూసి దేశ భద్రతకు ముప్పు తెస్తున్నారు. వారిని ఓటర్లుగా మార్చుకుని రాజకీయలబ్ధి పొందాలనుకుంటున్నారు. బెంగాల్లో బెంగాలీ మాట్లాడే బంగ్లాదేశీ ముస్లింలకు ఆశ్రయం ఇచ్చి వారిని అనధికారికంగా దేశ పౌరుల్ని చేయాలనుకుంటున్నారు. ఓటు బ్యాంకుగా మార్చుకోవాలని మమతా బెనర్జీ భావిస్తున్నారు. 

“నిజమైన భారతీయుడివైతే ఇలాంటి వ్యాఖ్యలు చేయరు” అని మన దేశాన్ని కించ పరిచేలా రాహుల్ చేసిన వ్యాఖ్యలను ఉద్దేశించి సుప్రీంకోర్టు వ్యాఖ్యానించింది.  ఈ డౌట్ ఇప్పుడు దేశ ప్రజలందరికీ వస్తుంది. ఎందుకంటే భారత అంతర్గత సమస్యలను ప్రపంచం ముందు చర్చకు పెడుతున్నారు. విదేశాలకు వెళ్లి భారత్ పై వ్యతిరేక వ్యాఖ్యలు చేస్తారు. అంతర్జాతీయ సమాజంలో పరువుపోయేలా పత్రికల్లో ఆర్టికల్స్ రాయిస్తున్నారు.