ఇది ఉగ్రవాద చర్య కాదు, భారత్ పై పాక్ బహిరంగ యుద్ధం!

*  25న వీహెచ్‌పీ & బజరంగ్ దళ్ దేశవ్యాప్తంగా నిరసనలు 

జమ్మూ కాశ్మీర్‌లోని పహల్గామ్‌లో మంగళవారం జరిగిన భయంకరమైన ఉగ్రవాద సంఘటన  సాధారణ ఉగ్రవాద సంఘటన కాదని, భారత్‌పై పాకిస్తాన్ బహిరంగ యుద్ధం ప్రకటించిందని విశ్వ హిందూ పరిషత్ కేంద్ర జాయింట్ జనరల్ సెక్రటరీ డాక్టర్ సురేంద్ర జైన్ స్పష్టంచేశారు.  ఇస్లామిక్ జిహాదీ పాకిస్తాన్, దాని కాశ్మీరీ స్లీపర్ సెల్‌పై కఠిన చర్యలు తీసుకోవాలని, లోయలో మళ్ళీ తల ఎత్తడానికి ధైర్యం చేసే మత ఉగ్రవాదాన్ని పూర్తిగా నాశనం చేయాల్సిన సమయం ఆసన్నమైందని పిలుపిచ్చారు. 

ఈ నెల 25న వీహెచ్‌పీ, బజరంగ్ దళ్ వాలంటీర్లు దేశవ్యాప్తంగా నిరసన ప్రదర్శన నిర్వహించనున్నారని ఆయన తెలిపారు.  కాశ్మీర్ లోయలోని పహల్గామ్‌లో ప్రయాణికులను ముస్లింలు కాదని నిర్ధారించినప్పుడు వారి ప్యాంటు విప్పి, కల్మా అడిగి, వారి ఐడిలను తనిఖీ చేయడం ద్వారా ఊచకోత కోసిన విధానం తీవ్రంగా ఖండించదగినదని ఆయన గుర్తు చేశారు. ఈ అమానవీయ సంఘటనపై దేశం మొత్తం దిగ్భ్రాంతికి, ఆగ్రహంతో ఉందని పేర్కొంటూ 1990 నాటి ఉగ్రవాద రోజులు తిరిగి రావడానికి ప్రయత్నిస్తున్నట్లు స్పష్టంగా కనిపిస్తోందని ఆయన ఆందోళన వ్యక్తం చేశారు.

కాశ్మీర్ లోయలో ఉగ్రవాదుల స్లీపర్ సెల్స్ ఇప్పటికీ ఉన్నాయని, వారు పాకిస్తాన్ ఆదేశం మేరకు ఈ దారుణమైన ఉగ్రవాద చర్యలను నిర్వహించడానికి ఎల్లప్పుడూ సిద్ధంగా ఉంటారని డాక్టర్ జైన్ హెచ్చరించారు. కొన్ని రోజుల క్రితం, కాశ్మీర్‌కు వచ్చే లేదా అక్కడ భూమి కొనుగోలు చేసే ప్రయాణికులు, పర్యాటకులు ఇక్కడ సాంస్కృతిక ఆక్రమణకు పాల్పడుతున్నారని ఒక ఎంపీ చెప్పారని ఆయన గుర్తు చేశారు.

ఆ తర్వాత కొన్ని రోజులకు, పాకిస్తాన్ ఆర్మీ చీఫ్ కాశ్మీర్‌ను వెనక్కి తీసుకోవడం మాత్రమే మనకు మిగిలి ఉన్న ఏకైక ఎజెండా అని అన్నారని తెలిపారు. బహుశా తన ఎజెండాను నెరవేర్చుకోవడానికి, అతను ఇక్కడ జిహాదీ ఉగ్రవాద దాడిని పూర్తి చేశాడని ఆరోపించారు. భారత ప్రభుత్వం దీనికి సమాన శక్తితో స్పందించాలని,  ఉగ్రవాద రోజులు మళ్లీ రాకుండా చూసుకోవాలని తెలిపారు. 

 పాకిస్తాన్‌లోని ఏ నాయకుడు లేదా సైనిక అధికారి అలాంటి మాటలు మాట్లాడటానికి ధైర్యం చేయకూడదని డా. జైన్ చెప్పారు. కొంతమంది ఉగ్రవాదికి మతం లేదని చెబుతారు, కానీ ఈ సంఘటన ద్వారా ఉగ్రవాదికి ఖచ్చితంగా మజాహబ్ (మతం) ఉందని స్పష్టంగా కనిపిస్తుందని ఆయన తెలిపారు. ఈ క్రూరమైన మారణహోమంపై మన దేశంలోని ముస్లిం నాయకులు ఎందుకు మౌనంగా ఉన్నారని కూడా ఆయన ప్రశ్నించారు.

వక్ఫ్ చట్టం పట్ల తప్పుడు భయాన్ని చూపిస్తూ వారు దేశవ్యాప్తంగా గందరగోళం సృష్టించగలరు కానీ, కాశ్మీర్ లోయలో ఈ అమాయక హిందూ యాత్రికుల హత్యకు వ్యతిరేకంగా నిరసన తెలపడానికి వీధుల్లోకి రావడానికి ధైర్యం చేయలేరని ఆయన ఎద్దేవా చేశారు. ఈ పరిస్థితి మంచిది కాదని, దీనిని అంగీకరించలేమని హెచ్చరించారు.  ఈ సమయంలో దేశం మొత్తం కోపంగా ఉందని పేర్కొంటూ తక్షణ చర్య తీసుకోవాలి, లేకుంటే ఈ కోపం మరింత పెరిగే అవకాశం ఉందని తేల్చి చెప్పారు.