కన్నుల పండుగగా హనుమాన్ శోభాయాత్ర!

నేడు భారతదేశమే కాదు.. ప్రపంచమంతా హిందూ జీవన విధానానికి అలవాటు పడుతున్నారని, ప్రపంచ దేశాల్లో జై శ్రీరామ్ నినాదాలతో హోరెత్తుతోందని ప్రముఖ స్వామీజీ, విశ్వహిందూ పరిషత్ జాతీయ నాయకులు, మాజీ ఎంపీ రామ్ విలాస్ దాస్ వేదాంతి తెలిపారు. ప్రపంచానికి శ్రీరాముడు ఆదర్శ పురుషుడు అనే విషయాన్ని రామభక్తుడు ఆంజనేయస్వామి నిరూపించాడని పేర్కొన్నారు. 

భాగ్యనగరంలో బజరంగ్దళ్ ఆధ్వర్యంలో గౌలిగూడ హనుమాన్ మందిర్ దగ్గర శోభాయాత్రను ప్రారంభించిన ఆయన కోటి ఆంధ్రాబ్యాంక్ చౌరస్తా దగ్గర బహిరంగ సభలో మాట్లాడారు. ఉత్తర భారతదేశంతో పోల్చుకుంటే భాగ్యనగరంలో భక్తి ఎక్కువగా ఉందని చెబుతూ హిందూ సంఘటనలో భాగ్యనగరం భారతదేశానికి దిక్సూచిగా మారుతుందని చెప్పారు.