ఎన్‌ఐఏ కస్టడీకి ముంబై మారణహోమం సూత్రధారి రాణా

కానీ డెన్మార్క్‌ కేసులో 2013 జనవరిలో అతడికి 14 ఏళ్లు జైలుశిక్ష విధించింది. అప్పటి నుంచి జైల్లో ఉన్న రాణాను ముంబై ఉగ్రదాడి కేసు విచారణ కోసం అప్పగించాలని భారత్‌ అమెరికాపై ఒత్తిడి తెచ్చింది. దీనిపై అమెరికా కోర్టుల్లో పిటిషన్లు వేసి పోరాడింది. ఈ ఏడాది ఫిబ్రవరిలో రాణా అప్పగింతకు అమెరికా విదేశాంగశాఖ అనుమతి ఇచ్చింది. 

అప్పగింత నిర్ణయానికి వ్యతిరేకంగా రాణా అమెరికన్‌ కోర్టుల్లో వరుస గా పిటిషన్లు వేశాడు. పలుమార్లు గుండెపోటు వచ్చిందని, తీవ్రమైన కిడ్నీల వ్యాధి ఉందని.. తాను పాక్‌ ఆర్మీ మాజీ అధికారి కావడం, ముస్లిం కావడం వల్ల హింసించే అవకాశం ఉందని అతని తరఫు న్యాయవాదులు వాదించారు. భారత్‌కు అప్పగిస్తే తన ప్రాణాలకు ప్రమాదమని పేర్కొన్నారు. 

ముంబై పేలుళ్ల కేసులో అమెరికా కోర్టు తనను అప్పటికే విచారించిందని, అదే కేసులో భారత్‌కు అప్పగించడం ‘డబుల్‌ జియోపార్డీ (ఒకే కేసులో రెండు సార్లు విచారించడాన్ని నిరోధించే) చట్టం‘ను ఉల్లంఘించడమేనని వాదించారు. అయితే ముంబై మారణహోమానికి అతను సూత్రధారి అని, విచారించాల్సి ఉందని భారత న్యాయ నిపుణులు వాదించారు. 

ఈ కేసులో ‘డబుల్‌ జియోపార్డీ’ వర్తించదని అమెరికా కోర్టులకు వివరించి ఒప్పించారు. రాణా భద్రతకు, న్యాయపరమైన హక్కుల కల్పనకు హామీ ఇస్తున్నట్టు వివరించారు. మరోవైపు దౌత్యపరంగానూ అమెరికాపై ఒత్తిడి తెచ్చి రాణా అప్పగింతకు అంగీకరించేలా చే యడంలో భారత్‌ సఫలమైందని నిపుణులు చెబుతున్నారు.

ముంబై ఉగ్రదాడి కేసు చాలా కీలకమైనది కావడంతో ఎన్‌ఐఏ తరఫున కోర్టుల్లో వాదించడానికి సీనియర్‌ న్యాయవాది నరేందర్‌ మన్‌ను స్పెషల్‌ ప్రాసిక్యూటర్‌గా కేంద్ర ప్రభుత్వం నియమించింది. ఎన్‌ఐఏ తరఫున అమెరికా కోర్టుల్లో వాదించిన సీనియర్‌ న్యాయవాది దయాన్‌ కృష్ణన్‌తో కలిసి నరేందర్‌ మన్‌ వాదనలు వినిపించనున్నారు. ఇక తహవ్వుర్‌ రాణాకు న్యాయ సహాయంలో భాగంగా ఢిల్లీ లీగల్‌ సర్వీసెస్‌ అథారిటీ నుంచి పీయూష్‌ సచ్‌దేవ వాదనలు వినిపించనున్నారు.