రోమ్ కాథలిక్ చర్చి అధినేత పాప్ ఫ్రాన్సిస్ (88) ఆరోగ్యం తీవ్రంగా క్షీణించింది. ఇటీవలే ఆయన ఆసుపత్రిలో చేరారు, ప్రస్తుతం ఆయన జెమెల్లీ ఆసుపత్రిలో చికిత్స పొందుతున్నారు. వైద్యులు ఆయనకు రక్తమార్పిడి చేసి, హై ఫ్లో ఆక్సిజన్‌ అందిస్తున్నారు. 14 ఫిబ్రవరి నాడు న్యుమోనియాతో ఆసుపత్రిలో చేరిన పోప్ ప్రస్తుతం శ్వాసకోస సమస్యతో పోరాటం చేస్తున్నారు.
వీరి పరిస్థితి మరింత క్షీణించినట్లుగా, గత వారం రోజుల్లో శనివారం కంటే శుక్రవారం మరింత కష్టంగా గడిచింది. ప్రస్తుతం పోప్ ఆరోగ్యం విషమంగానే ఉందని వాటికన్ శనివారం సాయంత్రం ప్రకటన విడుదల చేసింది. న్యూమోనియాతోపాటు సంక్లిష్టమైన శ్వాస ఇన్ఫెక్షన్ తో పోప్ బాధపడుతున్నారని వైద్యులు తెలిపారు.
మరో వారం ఆసుపత్రిలో ఉండాల్సి వస్తుందని వెల్లడించారు. వాటికన్ మాత్రం పోప్ ఆరోగ్యం ఇంకా విషమంగానే ఉందని ప్రకటించింది. ఆయన ప్రమాదం నుంచి ఇంకా బయటపడలేదని పేర్కొంది. “పోప్ ఆరోగ్యం ఇంకా విషమంగా ఉన్నప్పటికీ, ఆయన కోలుకుంటున్నాడు” అని పేర్కొన్నారు. థ్రోంబోసైటోపీనియాతో సంబంధం ఉన్న రక్తహీనత కారణంగా పోప్ కు రక్త మార్పిడి అవసరమైంది. “పోప్ ఆరోగ్య పరిస్థితి త్వరగా మెరుగుపడటానికి ఆశిస్తున్నాం” అని వాటికన్ ప్రకటించింది.
పోప్ ఫ్రాన్సిస్ 1936లో అర్జెంటీనా రాజధాని బ్యూనస్‌ ఎయిర్స్‌లో జన్మించారు. ఆయన అసలు పేరు జార్జ్‌ మారియో బెర్గోగ్లియో. 2013లో పోప్ బెనెడిక్ట్‌16 రాజీనామా చేయడంతో ఫ్రాన్సిస్ కాథలిక్ చర్చి అధిపతి అయ్యారు. పోప్ గా బాధ్యత స్వీకరించిన తర్వాత ఆయన అనేక మౌలిక మార్పులు చేసారు.
కాగా, 2021-23 మధ్య ఆయనకు పెద్ద పేగు సర్జరీ జరిగింది. ఆరోగ్య సమస్యల కారణంగా ఆయన ఎక్కువ సమయం వీల్‌చైర్‌లో గడిపిపోతున్నారు. ఇప్పుడు, పోప్ ఫ్రాన్సిస్ ఆరోగ్యం విషమంగా మారడంతో, “తదుపరి పోప్ ఎవరనే” అంశం ప్రపంచవ్యాప్తంగా చర్చకు వస్తోంది. 1.4 బిలియన్ క్యాథలిక్స్ కోసం, ఈ చర్చలు అత్యంత కీలకమైనవిగా మారాయి.
వాటికన్ విదేశాంగ కార్యదర్శి పియట్రో పరోలిన్ ఈ విషయంపై మాట్లాడుతూ, “ఇలాంటి చర్చలు సాధారణమేనని” తెలిపారు. “పోప్ ఫ్రాన్సిస్ లాంటి ప్రముఖ వ్యక్తి ఆరోగ్య సమస్యలు పెరిగినప్పుడు, కాథలిక్ చర్చిలో భవిష్యత్ నాయకత్వంపై కూడా పెద్ద చర్చలు మొదలవుతాయి. పోప్ ఫ్రాన్సిస్ ఎన్నో సామాజిక మార్పులకు తోడ్పడడం, చర్చిలో నూతన ఆలోచనలను తీసుకురావడం ద్వారా తన ప్రభావం చూపారు. ఇప్పుడు, పోప్ ఆరోగ్యం విషమంగా ఉన్నా, ఆయన తిరిగి కోలుకోవాలని, తదుపరి పోప్ ఎవరనేది కూడా చర్చించబడుతోంది” అని వివరించారు.
More Stories
హసీనాను స్వదేశానికి రప్పించేందుకు విశ్వప్రయత్నాలు
వంద ఏళ్లైనా ఏఐతో ప్రోగ్రామర్లను భర్తీ చేయలేరు
భార‌త్ ను మిన‌హాయించి 22 దేశాలపై ట్రంప్ సుంకాలను