జన్మతః పౌరసత్వం రద్దుపై ఫెడరల్‌ కోర్టు స్టే

* ముందుగానే ప్రసవాలకు భారతీయ దంపతులు

ఆ పార్టీ పాలనలో ఉన్న వాషింగ్టన్‌, ఆరిజోనా, ఇల్లినాయిస్‌, ఓరెగన్‌తోసహా 22 రాష్ట్రాలు, పలు వలసదారుల సంఘాలు ఈ ఉత్తర్వులను సవాల్‌ చేస్తూ సియాటిల్‌ ఫెడరల్ కోర్టును ఆశ్రయించాయి. అమెరికా రాజ్యాంగంలోని 14వ సవరణ ప్రకారం పౌరసత్వ చట్టం నిబంధనలకు ఈ ఆదేశాలు వ్యతిరేకమని స్పష్టం చేశారు. దేశంలో పుట్టిన ఎవరికైనా పౌరసత్వం ఇవ్వాల్సిందేనని న్యాయవాదులు వాదించారు. గతంలో ఈ అంశాన్ని అమెరికా సుప్రీంకోర్టు కూడా బలపర్చింని పేర్కొదన్నారు.

వాదనలు విన్న సియాటిల్‌ ఫెడరల్ కోర్టు న్యాయమూర్తి జాన్‌ కాఫెనోర్‌.. ట్రంప్ కార్యనిర్వాహక ఆదేశాలను తాత్కాలికంగా నిలిపివేస్తున్నట్లు ప్రకటించారు. ఇది పూర్తిగా రాజ్యంగ విరుద్ధమైన ఉత్తర్వు అని స్పష్టం చేశారు. కాగా, ఈ తీర్పుపై అధ్యక్షుడు ట్రంప్‌ స్పందిస్తూ దీనిపై తప్పకుండా అప్పీల్‌కు వెళ్తామని ప్రకటించారు.

జన్మతః పౌరసత్వాన్ని రద్దు చేస్తూ అమెరికా అధ్యక్షుడు డొనాల్డ్‌ ట్రంప్‌ తీసుకున్న నిర్ణయం ప్రమాదకర పరిణామాలకు దారితీస్తున్నది. హెచ్‌1బీ, స్టడీ వీసాలపై వచ్చిన వారు, గ్రీన్‌ కార్డుల కోసం ఎదురుచూస్తున్న భారతీయులను ఈ నిర్ణయం కలవరపాటుకు గురి చేస్తోంది. ముఖ్యంగా బిడ్డలకు జన్మనివ్వాల్సిన యువ దంపతులు తల్లీబిడ్డల ఆరోగ్యాన్ని సైతం ప్రమాదంలోకి పెట్టేందుకు  సిద్ధమవుతున్నారు. 

జన్మతః పౌరసత్వాన్ని రద్దు చేస్తూ ట్రంప్‌ జారీ చేసిన కార్యనిర్వాహక ఉత్తర్వులకు ఫిబ్రవరి 20 డెడ్‌లైన్‌గా నిర్ణయించడంతో ఫిబ్రవరి 19 లోపు అమెరికాలో జన్మించిన బిడ్డలకు జన్మతః పౌరసత్వం లభిస్తుంది.  ఆ తర్వాత జన్మించే వారి తల్లిదండ్రుల్లో ఒకరైనా అమెరికన్‌ పౌరులు లేదా గ్రీన్‌కార్డుదారు అయితే తప్ప పౌరసత్వం రాదు. దీంతో ఇప్పుడు గర్భంతో ఉండి, మరో రెండు నెలల్లో డెలివరీ జరగాల్సిన వారు ఫిబ్రవరి 19 లోపే డెలివరీ కోసం ప్రయత్నిస్తున్నారు. 

ఇందుకోసం సీ-సెక్షన్లు చేయించుకునేందుకు వైద్యులను సంప్రదిస్తున్నారు. తనను రెండు రోజుల్లో దాదాపు 20 మంది దంపతులు సీ-సెక్షన్‌ చేయాలని కోరినట్టు భారత సంతతికి చెందిన గైనకాలజిస్ట్‌ డాక్టర్‌ ఎస్‌జీ ముక్కాల తెలిపారు. ఎనిమిది, తొమ్మిదో నెలల గర్భంతో ఉన్నవారు డెలివరీకి సమయం ఉన్నప్పటికీ సీ-సెక్షన్‌తో ఫిబ్రవరి 19 లోపు డెలివరీ చేయాలని కోరుతున్నట్టు న్యూ జెర్సీకి చెందిన డాక్టర్‌ ఎస్‌డీ రమ చెప్పారు.