ఆసీస్‌తో తొలి టెస్టులో భారత్‌ ఘన విజయం

తొలి టెస్టు తొలి ఇన్నింగ్స్‌లో భారత్‌ కేవలం 150 పరుగులు చేసి ఆలౌట్‌ అయ్యింది. దాంతో గెలుపు అసాధ్యమే అనుకున్నారంతా. తర్వాత తొలి ఇన్నింగ్స్‌ ఆడిన ఆస్ట్రేలియా కూడా 104 పరుగులకే కుప్పకూలింది. ఆ తర్వాత రెండో ఇన్నింగ్స్‌ ఆడిన భారత్‌.. యశస్వి జైస్వాల్‌ (161 పరుగులు), విరాట్‌ కోహ్లీ (100 పరుగులు), కేఎల్‌ రాహుల్ (77 పరుగులు) అద్భుత బ్యాటింగ్‌ ప్రదర్శనతో 487 పరుగుల భారీ స్కోర్‌ సాధించి మరో మూడు వికెట్లు ఉండగానే డిక్లేర్‌ చేసింది.

ఎంతో ఉత్కంఠగా సాగుతున్న  టెస్టు నాలుగో రోజులో ఆసీస్​ బ్యాటర్లు తేలిపోయారు. దీంతో 295 పరుగుల ఆధిక్యంతో టీమ్ఇండియా టెస్ట్​ను సొంతం చేసుకుంది. బ్యాటింగ్‌కు దిగిన ఆసీస్‌ 238 పరుగులకు ఆలౌట్‌ అయింది. ట్రావిస్‌ హెడ్‌ 89, మార్ష్‌ 47 పరుగులు చేశారు. భారత బౌలర్లలో సిరాజ్‌, బుమ్రా చెరో 3 సుందర్‌ 2, నితీశ్‌రెడ్డి ఒక వికెట్‌ తీశారు. ఆదివారం బ్యాటింగ్​తో దంచికొట్టిన టీమ్ఇండియా, సోమవారం బౌలింగ్​లోనూ అదరగొట్టడం ఈ విజయానికి కారణం.

ఇక ఈ విజయంతో టీమ్ఇండియా ఓ అరుదైన రికార్డును తమ ఖాతాలో వేసుకుంది. 1977 డిసెంబర్ 30న మెల్‌బోర్న్‌లో ఆస్ట్రేలియాను 222 పరుగుల తేడాతో ఓడించిన భారత జట్టు, ఆ తర్వాత 2018 డిసెంబర్ 26న మెల్‌బోర్న్‌లో మరో పెద్ద విజయాన్ని నమోదు చేసింది. ఆ తర్వాత ఇప్పుడు ఈ రికార్డుతో మరో పెద్ద విజయాన్ని నమోదు చేసింది. దీంతో 47 ఏళ్ల తర్వాత ఈ ఫీట్ సాధించిన టీమ్​గా చరిత్రకెక్కింది.