బీమా ప్రీమియంలపై జిఎస్‌టి తొలగింపు!

పలు ఉత్పత్తులపై వస్తు సేవల పన్ను (జిఎస్‌టి)ల్లో మార్పులు చేస్తూ మంత్రివర్గ ఉపసంఘం నిర్ణయించింది. కొంతకాలంగా ఆందోళన వ్యక్తం అవుతున్న బీమా ప్రీమియంలపై జీఎస్టీని తొలగించాలని మంత్రుల బృందం (జీఓఎం) కేంద్ర ప్రభుత్వానికి సిఫార్సు చేసింది. ఇది అమల్లోకి వస్తే, సామన్యుడిపై భారం తగ్గుతుంది. ప్రజలకు ప్రయోజనం చేకూర్చేందుకు కొన్ని భీమా ప్రీమియంలపై జీఎస్టీని తొలగించాలని, ప్యాకేజ్డ్ వాటర్, సైకిళ్లు వంటి వస్తువులపై పన్నులను తగ్గించాలని శనివారం జరిగిన మంత్రుల బృందం సిఫారసు చేసింది. ఇదే విషయంపై ఆదివారం కూడా సమావేశం జరగనుంది.