రాష్ట్రీయ స్వయంసేవక్ సంఘ్ (ఆర్ఎస్ఎస్) వార్షిక ‘అఖిల్ భారతీయ కార్యకారి మండల్’ బైఠక్ ఈ నెల 25, 26 తేదీలలో పశ్చిమ ఉత్తరప్రదేశ్‌లోని బ్రజ్ ప్రాంట్‌లోని మధుర సమీపంలోని పరకం గ్రామంలో జరుగుతుందని అఖిల భారతీయ ప్రచార్ ప్రముఖ్ సునీల్ అంబేకర్ తెలిపారు.
ఈ సమావేశాన్ని ప్రతి సంవత్సరం దీపావళికి ముందు ఈ సమయంలో నిర్వహిస్తారు. ప్రాంత్ సంఘచాలక్, కార్యవాహ, ప్రచారక్, వారి సహాయకులు సంఘ నిర్మాణంలోని మొత్తం 46 ప్రాంతాల నుండి హాజరుకానున్నారు. ఈ సమావేశానికి సర్ సంఘచాలక్ డాక్టర్ మోహన్ భగవత్, సర్ కార్యవాహ దత్తాత్రేయ హోసబాలే, అందరూ సహ సర్ కార్యవహ్ లు, అఖిల భారతీయ కార్యవర్గ ప్రముఖులు, ఇతర కార్యకారి మండల సభ్యులు హాజరవుతారు.
విజయదశమి శుభ సందర్భంగా తన ప్రసంగంలో సార్ సంఘచాలక్ వ్యక్తం చేసిన ఆలోచనలు, ముఖ్యమైన సమస్యల అమలుకు సంబంధించిన ప్రణాళికలపై విస్తృతమైన చర్చలు జరుగుతాయని అంబేకర్ తెలిపారు. ఇతర ప్రస్తుత జాతీయ సమస్యలపై కూడా చర్చలు జరుగుతాయని చెప్పారు.
ఈ సమావేశం మార్చి 2024లో జరిగిన అఖిల భారతీయ ప్రతినిధి సభ సందర్భంగా రూపొందించిన వార్షిక ప్రణాళికను సమీక్షిస్తుంది. సంఘ్ పని విస్తరణలో పురోగతిని అంచనా వేస్తుంది. 2025 విజయదశమి నాటికి సాధించాల్సిన సంఘ్ శతాబ్దికి నిర్దేశించిన సంస్థాగత లక్ష్యాల గురించి ప్రత్యేక చర్చలు జరుగుతాయని అంబేకర్ వివరించారు.
More Stories
టీ20లో వేగంగా 100 వికెట్ల తీసిన బౌల‌ర్‌గా అర్షదీప్
సామ్‌ పిట్రోడా పాకిస్థాన్ వ్యాఖ్యలపై రాజకీయ చిచ్చు
ప్రెస్ మీట్ లో ఫోన్ నెంబర్ ఇచ్చి చిక్కుల్లో రాహుల్!