రెజ్ల‌ర్ వినేశ్ ఫోగ‌ట్‌ అనర్హత … ప్రధాని మోదీ ఆందోళన

నిజానికి వేటు ప‌డ‌డం అది ఎంతో బాధిస్తుంద‌ని చెప్పారు. చాలా నిరాశ‌కు లోన‌య్యాన‌ని, ఆ విష‌యాన్ని మాట‌ల్లో చెప్ప‌లేమ‌న్నారు. నువ్వు మ‌రింత ప‌ట్టుద‌ల‌తో రాణిస్తావ‌ని ఆశిస్తున్న‌ట్లు చెప్పారు. స‌వాళ్ల‌ను ఎదుర్కోవ‌డం నీ నైజ‌మ‌ని ఆయ‌న పేర్కొన్నారు. మ‌రింత బ‌లంతో పుంజుకోవాల‌ని ఆశిస్తున్న‌ట్లు పేర్కొన్నారు. నీకు మేం అంద‌రం మద్దతుగా ఉంటామ‌ని మోదీ త‌న ట్వీట్‌లో వెల్ల‌డించారు.

50 కేజీల ఫ్రీ స్ట‌యిల్ రెజ్లింగ్‌లో పోటీ చేసిన వినేశ్ ఫోగ‌ట్‌ ఫైన‌ల్‌కి ప్ర‌వేశించింది. కానీ సుమారు 100 గ్రాముల అధిక బ‌రువు న‌మోదు కావ‌డంతో ఆమెపై వేటు విధించారు. దీంతో భార‌త ఒలింపిక్ బృందంలో నిరాశ‌లు నెల‌కొన్నాయి. వినేశ్ విష‌యంలో భార‌త ఒలింపిక్ సంఘం అధ్య‌క్షురాలు పీటీ ఉష‌తో ప్ర‌ధాని మోదీ ఫోన్లో మాట్లాడారు. అస‌లు ఏం జ‌రిగిందో ఆయ‌న అడిగి తెలుసుకున్నారు. అంత‌ర్జాతీయ ఒలింపిక్ సంఘం వ‌ద్ద త‌మ నిర‌స‌న వ్య‌క్తం చేయాల‌ని పీటీ ఉష‌ను మోదీ కోరిన‌ట్లు తెలుస్తోంది. 

ఫొగాట్‌పై అనర్హత వేటు అంశాన్ని ప్రతిపక్ష ఎంపీలు లోక్‌సభలో లేవనెత్తారు. ఈ మేరకు నిరసన వ్యక్తం చేశారు. ఈ అంశంపై చర్చించాలంటూ ఎంపీలు పట్టుబట్టారు. స్పందించిన ప్రభుత్వం వినేశ్‌ ఫొగాట్‌ అంశంపై ఈరోజు మధ్యాహ్నం 3 గంటలకు కేంద్ర క్రీడా మంత్రి ప్రకటన చేస్తారని కేంద్ర మంత్రి అర్జున్‌ రామ్‌ మేఘ్వాల్‌ తెలిపారు. వినేశ్ పోగ‌ట్‌పై వేటు వేసిన ఘ‌ట‌న‌లో సాంకేతిక కార‌ణాల‌పై అన్వేష‌ణ చేప‌ట్టాల‌ని  స‌మాజ్‌వాదీ పార్టీ చీఫ్ అఖిలేశ్ యాద‌వ్ డిమాండ్ చేశారు. దాని వెనుక ఉన్న అస‌లైన కార‌ణం బ‌య‌ట‌కు రావాలని స్పష్టం చేశారు.