అమెరికాలో ఈతకు వెళ్లి ప్రాణాలు కోల్పోయిన హైదరాబాదీ!

 ప్రమాదవశాత్తు కిరణ్ నీటిలో మునిగిపోయాడు. అతడిని రక్షించేందుకు స్నేహితులు ప్రయత్నించినా ఫలించలేదు. కిరణ్‌కు ఈత రాకపోవడంతో నీటిలో మునిగిపోయినట్లు తెలుస్తోంది. ఇటీవల కిరణ్ కుమార్ రాజు తాను డెవలప్ ఒప్స్  లో సర్టిఫికేషన్ పూర్తి చేసినట్లు తన లింక్డ్‌ఇన్‌లో పోస్ట్ పెట్టాడు. ఇంతలోనే ఘోరప్రమాదం చోటుచేసుకుంది.

కిరణ్ కుమార్ రాజు అకాల మరణంతో అతడి కుటుంబసభ్యులు విషాదంలో మునిగిపోయారు. కిరణ్ తండ్రి లక్ష్మణ్ రాజు గతంలో మరణించగా, తల్లి హైదరాబాద్‌లో నివాసిస్తున్నారు. కిరణ్ తాత కృష్ణమూర్తి రాజు యువకుడి చదువుకు సహకరిస్తున్నారు. కిరణ్ సెయింట్ లూయిస్‌లో కంప్యూటర్ ఇన్ఫర్మేషన్ సిస్టమ్స్‌లో మాస్టర్స్ డిగ్రీ చదువుతున్నాడు.

 అతడు ఉస్మానియా విశ్వవిద్యాలయంలో అండర్ గ్రాడ్యుయేషన్ పూర్తి చేశాడు. కాగా, అమెరికాలో ఇటీవల జ‌రిగిన‌ కాల్పుల్లో ఏపీకి చెందిన యువ‌కుడు మృతి చెందారు. బాప‌ట్ల జిల్లా క‌ర్లపాలెం మండ‌లం యాజ‌లి గ్రామానికి చెందిన దాస‌రి గోపీకృష్ణ (32) అమెరికాలోని దుండ‌గుడి కాల్పుల్లో మ‌ర‌ణించాడు. 

గోపీకృష్ణ జీవ‌నోపాధి కోసం ఎనిమిది నెల‌ల క్రితం అమెరికా వెళ్లాడు. అమెరికాలోని అర్కెన్సాస్ రాష్ట్రంలోని సూప‌ర్ మార్కెట్లో ప‌నిచేస్తున్నాడు. శ‌నివారం మ‌ధ్యాహ్నం గోపీకృష్ణ కౌంట‌ర్‌లో ఉండ‌గా, ఓ దుండ‌గుడు నేరుగా వ‌చ్చి తుపాకీతో అత‌డిపై కాల్పులు జ‌రిపాడు. దీంతో తీవ్రగాయాల‌తో గోపీకృష్ణ అక్కడిక‌క్కడే కుప్పకూలిపోయాడు. 

అనంత‌రం దుండగుడు ఓ వ‌స్తువు తీసుకుని అక్కడి నుంచి ప‌రార‌య్యాడు. వెంట‌నే గోపీకృష్ణను ఆసుప‌త్రికి త‌ర‌లించ‌గా, అక్కడ చికిత్స పొందుతూ ఆదివారం ఉద‌యం చ‌నిపోయాడు.