అధ్యక్ష ఎన్నికల వేళ బైడెన్ ఆరోగ్య సమస్యలపై ఆందోళన

వయసురీత్యా వచ్చే ఇబ్బందుల వల్ల బైడెన్‌ జ్ఞాపకశక్తిలో లోపాలను గుర్తించినట్లు గతంలో ఓ నివేదిక విడుదలైన విషయం తెలిసిందే. అధ్యక్షుడి జ్ఞాపకశక్తి చాలా ‘మసక’గా, ‘మబ్బు’గా ఉందని నివేదిక పేర్కొంది. జీవితంలో కీలక సంఘటనలను కూడా ఆయన గుర్తుకు తెచ్చుకోలేకపోయారని తెలిపింది. కుమారుడు బ్యూ బైడెన్‌ ఎప్పుడు చనిపోయారనే విషయం కూడా అధ్యక్షుడికి గుర్తుకు రాలేదని పేర్కొంది. అయితే ఈ నివేదికను అధ్యక్షుడు తీవ్రంగా ఖండించారు.