కొడుకుల కోసం కాంగ్రెస్ నేతల కొట్లాటలు

దీంతో అభ్యర్థుల ఎంపికలో పార్టీలో విభేదాలు తలెత్తాయనే ఊహాగానాలు మొదయ్యాయి. అయితే ఆ తర్వాత మాజీ ముఖ్యమంత్రులయిన ఈ ఇద్దరు నాయకులు ఈ ఉదంతాన్ని తేలిగ్గా కొట్టి పారేయడమే కాకుండా కలిసి ప్రచారం చేస్తూ ఉండడం గమనార్హం.  కాగా ఈ నెల 17న అసెంబ్లీ ఎన్నిలకు జరగనున్న రాష్ట్రంలో ప్రచారంలో భాగంగా సియోని జిల్లాలో ఆదివారం జరిగిన ఓ బహిరంగ సభలో ప్రధాని మాట్లాడుతూ స్వాతంత్య్రం వచ్చాక 50 -60 ఏళ్లు అధికారంలో ఉన్నప్పటికీ కాంగ్రెస్ పార్టీ గిరిజనుల సంక్షేమం కోసం ఏమీ చేయలేదని దుయ్యబట్టారు.

`పిఎం గరీబ్ యోజన’ను మరో అయిదేళ్లు పొడిగించనున్నట్లు కూడా మోదీ చెప్పారు. డిసెంబర్‌తో ఈ పథకం పూర్తి కావలసి ఉన్నప్పటికీ పేదప్రజల బాధ తనకు బాగా తెలిసినందున డిసెంబర్ తర్వాత కూడా మరో అయిదేళ్ల పాటు ఉచిత రేషన్ గ్యారంటీ ఇవ్వాలని నిర్ణయించామని చెప్పారు. కరోనా సంక్షోభ సమయంలో అన్నీ మూతపడినప్పుడు పేద ప్రజలు తమ పిల్లలకు ఎలా హారం అందించగలరనే విషయమే తనను ఎక్కువగా బాధించిందని చెబుతూ అప్పుడే ఎట్టి పరిస్థితుల్లోనైనా ఈ దేశ ప్రజలను ఆదుకోవడానికి పోరాటంచేయాలని నిర్ణయించుకున్నాని ప్రధాని తెలిపారు. 

ఆ నిర్ణయం ఫలితంగానే 80 కోట్ల మంది పేదప్రజలకు ఉచిత రేషన్ అందించి కటిక పేదరికంలో ఉన్నవారిని కూడా ఆకలి బాధనుంచి ఆదుకున్నామని ప్రధాని చెప్పారు. 2014 కు ముందు కాంగ్రెస్ ప్రతి కుంభకోణం లక్షల కోట్లలో ఉండేదని, ఇప్పుడు బిజెపి ప్రభుత్వంలో స్కాములే లేవని స్పష్టం చేశారు.

 పేద ప్రజల హక్కులను కాపాడేందుకు దాచిన సొమ్మును పేద ప్రజల రేషన్‌కోసం ఖర్చు చేస్తున్నామని చెప్పారు. బిజెపి గెలవబోతోందన్న గ్యారంటీ ప్రజలు ఇస్తారన్న నమ్మకం తనకు ఉందని భరోసా వ్యక్తం చేశారు. అయితే,  రాజకీయాల్లో ఒక గ్యాంగ్ ఉంటుందని, ఏవో కొన్ని అంచనాలతో, ఒక నిశ్చితాభిప్రాయంతో అయిదు, పది మందిని ప్రశ్నిస్తుంటుందని, లాంటి గ్యాంగులు ఇక్కడికి వచ్చి చూస్తే గెలుపు ఎవరిని వరించబోతుందో అర్థమవుతుందని ప్రతిపక్ష నేతలనుద్దేశించి మోదీ ఎద్దేవా చేశారు. 

30 ఏళ్ల తర్వాత ఒక ప్రధాని ఇక్కడికి వచ్చారని తమ పార్టీ ఎంపి ఒకరు తనతో అన్నారని చెబుతూ ఆ ఆదృష్టం తనకు దక్కిందని ప్రధాని సంతోషం వ్యక్తం చేశారు. దేశంలో మొట్టమొదటి సారి అటల్ బిహారీ వాజపేయి నేతృత్వంలో బిజెపి అధికారంలోకి వచ్చాక గిరిజనుల కోసం ప్రత్యేక మంత్రిత్వ శాఖను ఏర్పాటు చేశామని మోదీ గుర్తు చేశారు. 

మధ్యప్రదేశ్‌లో సుపరిపాలన, అభివృద్ధి కొనసాగించాల్సిన అవసరం ఉందని చెప్పారు. బిజెపి ఉంటే భరోసా ఉంటుందని, బిజెపి ఉంటే వికాసం ఉంటుందని, బిజెపి ఉంటే భవిష్యత్తు బాగుంటుందని ప్రజలు అనుకుంటున్నారని ప్రధాని తెలిపారు.