ఈ ఏడాది రికార్డు స్థాయిలో 10 లక్షలకు పైగా అమెరికా వీసాలు

అమెరికా, భారత్‌ల మధ్య భాగస్వామ్యం మరింత బలోపేతమైందని, అది ప్రత్యక్షంగా చూసేందుకు రానున్న రోజుల్లో మరింత మంది భారతీయులకు రికార్డు స్థాయిలో వీసాలు అందిస్తామని ఎరిక్ గార్సెట్టి తెలిపారు. అయితే 2022 ఏడాది జారీ చేసిన మొత్తం వీసాలను ఈ ఏడాది 9 నెలల్లోనే జారీ చేసినట్లు అమెరికా ఎంబసీ వెల్లడించింది.

2019 తో పోలిస్తే ఇది 20 శాతం అధికమని తెలిపింది. ఇక ప్రపంచ దేశాలు అన్నింటికీ అమెరికా జారీ చేసిన వీసాల్లో 10 శాతం భారతీయులకే దక్కాయని, ఇందులో స్టూడెంట్ వీసాలు 20 శాతం, హెచ్‌, ఎల్ కేటగిరీ ఉద్యోగ వీసాల్లో 65 శాతం భారతీయులకే జారీ అయ్యాయని వెల్లడించింది.