రాయపాటి ఇల్లు, కార్యాలయాలపై ఈడీ దాడులు

హవాలా, మనీ లాండరింగ్ ఆరోపణలతో రాయపాటి ఇల్లు, కంపెనీలలో ఈ సోదాలు జరుగుతున్నాయి. రాయపాటి కంపెనీతో పాటు 15 చోట్ల సోదాలు జరుగుతున్నాయి.. ఈ కంపెనీకి చెందిన పలువురి ఇళ్లలోనూ తనిఖీలు చేస్తున్నారు. గుంటూరు, హైదరాబాద్‌లో ఈ సోదాలు చేస్తున్నారు. గతంలో బ్యాంకుల నుంచి రూ.9394 కోట్లు రుణాలు తీసుకుని ఎగ్గొట్టారనే ఆరోపణలపై కేసు నమోదైంది. బ్యాంకుల నుంచి తీసుకున్న రుణాలను వ్యక్తిగత అవసరాలకు వాడినట్లుగా ఆరోపణలు వచ్చాయి.

ఇప్పటికే రాయపాటి సాంబశివరావుపై సీబీఐ కేసు నమోదు చేయగా, ఆ కేసు ఆధారంగా ఈడీ విచారణ చేస్తోంది. పలు కంపెనీల్లో పెట్టుబడులు గుర్తించినట్లు తెలుస్తోంది. రాయపాటి సాంబశివరావు ప్రస్తుతం హైదరాబాద్‌లో ఉన్నారు.  ట్రాన్స్​ట్రాయ్ ప్రైవేట్ లిమిటెడ్ కంపెనీ బ్యాంకు రుణాల ఎగవేతకు సంబంధించి గతంలో మనీ లాండరింగ్ కేసు నమోదయింది.

జూబ్లీహిల్స్, మణికొండ పంజాగుట్టలో ఈడీ అధికారులు సోదాలు నిర్వహిస్తున్నారు.  ట్రాన్స్​ట్రాయ్​ డైరెక్టర్​గా ఉన్న మాలినేని సాంబశివరావు బ్యాంకుల నుంచి పెద్ద మొత్తంలో రుణాలు తీసుకుని ఎగ్గొట్టారనే ఆరోపణలున్నాయి. దీంతో మంగళవారం ఉదయం నుంచి ఆయన ఇళ్లు, ఆపీసులపై ఏకకాలంలో ఈడీ సోదాలు జరుపుతోంది. దాదాపు 15 ప్రాంతాల్లో ఈ సోదాలు జరుగుతున్నట్టు సమాచారం. హైదరాబాద్​లోని జూబ్లీహిల్స్​, మణికొండ, పంజాగుట్టలో ఏకకాలంలో సోదాలు చేపట్టారు. ట్రాన్స్​టాయ్​ పవర్​, టెక్నో యూనిట్​ ఇన్​ఫ్రా, కాకతీయ క్రిస్టల్​ పవర్​ లిమిటెడ్​, ట్రాన్స్​ట్రాయ్​ రోడ్డు ప్రాజెక్టులకు మాలినేని సాంబశివరావు డైరెక్టర్​గా ఉన్నారు.