ఫిలిప్పీన్స్ లో భారతీయ దంపతుల దారుణ హత్య

సుఖ్విందర్ సింగ్ సోదరుడు లఖ్విర్ సింగ్ కూడా మనీలాలో సుఖ్వీందర్ సింగ్ తో పాటే ఉంటారు. కానీ, ఒక శుభకార్యానికి హాజరుకావడం కోసం ఆయన ఇటీవలనే భారత్ కు వచ్చాడు. తన సోదరుడు సుఖ్వీందర్ మరణ వార్త సోమవారం తమకు తెలిసిందని ఆయన వెల్లడించారు. ఆదివారం నుంచి సుఖ్వీందర్ కు ఫోన్ చేస్తున్నామని, ఆయన రెస్పాండ్ కాలేదని, దాంతో, మనీలా తమ నివాసానికి దగ్గర్లో ఉండే తమ అంకుల్ కు విషయం చెప్పి ఇంటికి వెళ్లి చూడమని చెప్పామని లఖ్వీర్ వివరించారు.

తమ అంకుల్ అక్కడికి వెళ్లి చూడగా, రక్తపు మడుగులో సుఖ్వీందర్, కిరణ్ దీప్ కనిపించారని, దాంతో, వెంటనే ఆయన స్థానిక పోలీసులకు, తమకు సమాచారమిచ్చారని వివరించారు. తమకు మనీలాలో శత్రువులు ఎవరూ లేరని తెలిపారు. సుఖ్వీందర్ సింగ్  దంపతుల హత్యపై మనీలాలో స్థానిక పోలీసులు కేసు నమోదు చేసి దర్యాప్తు ప్రారంభించారు. సుఖ్వీందర్ ఇంటి సమీపంలోని సీసీ కెమెరాల ఫుటేజ్ ని తనిఖీ చేశారు.