జనగణమన, వందేమామాతరంలకు సమాన గౌరవం 

జాతీయగీతం జనగణమనకు, వందేమాతరం గేయానికి సమాన హోదా ఉందని కేంద్ర ప్రభుత్వం వెల్లడించింది. ఈ మేరకు ఢిల్లీ హైకోర్టులో అఫిడవిట్ దాఖలు చేసింది. జనగణమనకు సమానమైన హోదాను వందేమాతరం గేయానికి కూడా కల్పించాలని కోరుతూ దాఖలైన పిటిషన్పై విచారణ సందర్భంగా కేంద్రం ఈ విధంగా స్పందించింది.

దేశంలోని ప్రతి పౌరుడు ఈ రెండింటికి సమాన గౌరవం ఇవ్వాలని కేంద్రం స్పష్టం చేసింది.  జాతీయ గీతం జన గణ మన లాగే వందేమాతరం గేయానికీ సముచిత గౌరవం, సమాన హోదా కల్పించాలని కోరుతూ న్యాయవాది అశ్విని కుమార్‌ ఉపాధ్యాయ్‌ ఇటీవల ఢిల్లీ హైకోర్టులో ప్రజాప్రయోజన వ్యాజ్యం దాఖలు చేశారు.