శశికళకు జైలులో రాజభోగాలపై ఎసిబి చార్జిషీట్

మరోవంక, త్వరలోనే అన్నాడీఎంకే తన హస్తగతమవుతుందని, ఆ పార్టీ బహిష్కృత నేత వీకే శశికళ ప్రకటించారు. టి.నగర్‌లోని తన నివాసంలో అన్నాదురై 53వ వర్ధంతి సందర్భంగా ఆయన చిత్రపటానికి శశికళ నివాళులర్పించిన సందర్భంగా ఆమె మాట్లాడుతూ అన్నాదురై అత్యంత ఆప్తుడిగా ఎంజీఆర్‌ ఉండేవారని, ఆయన బాటలోనే పార్టీ స్ధాపించారని పేర్కొన్నారు.

అన్నాదురై, ఎంజీఆర్‌ బాటలో కార్యకర్తలు రాబోయే ఎన్నికల్లో పార్టీ అభ్యర్ధులను గెలిపించాలని ఆమె విజ్ఞప్తి చేశారు. అన్నాడీఎంకే త్వరలో తప్పకుండా తన చేతుల్లోకి వస్తుందని, జయ ఆశయాలను నెరవేర్చేలా అధికారం చేపట్టి ప్రజాపాలన అందిస్తానని ఆమె  వెల్లడించారు. కార్యకర్తలు, ప్రజలతో సన్నిహిత సంబంధాలు కలిగి పార్టీ బలోపేతానికి కృషిచేయాలని ఆమె కోరారు.

కరోనా వ్యాప్తి కారణంగా కార్యకర్తలను కలుసుకోలేకపోయానని చెబుతూ త్వరలో జిల్లాలవారీగా పర్యటించి నేతలు, కార్యకర్తలతో సమావేశమవుతానని ఆమె వెల్లడించారు. గత 8 నెలలు అధికారం చెలాయిస్తున్న పార్టీ గురించి ప్రజలు ఒక అభిప్రాయానికి వచ్చేశారని, ఎవరి పాలన బాగుంటుందో వారికి బాగా తెలిసొచ్చిందని శశికళ చెప్పారు.