* భూమి పూజ జరిగి నేటికీ ఏడాది
అయోధ్యలో నిర్మాణంలో ఉన్న రామ మందిరాన్ని 2023 డిసెంబర్ నాటికి భక్తుల కోసం తెరువనున్నట్లు తెలుస్తున్నది. 2025 సంవత్సరం నాటికి అయోధ్యలో మొత్తం రామాలయ సముదాయాన్ని పూర్తి చేయాలని భావిస్తున్నట్లు ఆ వర్గాలు తెలిపాయి.
భూమిపూజ జరిగి సంవత్సరం అవుతున్న సందర్భంగా గురువారం ఉత్తర ప్రదేశ్ ముఖ్యమంత్రి యోగి ఆదిత్యనాథ్ అయోధ్యను సందర్శిస్తున్నారు. ఆలయ నిర్మాణ పనులను పరిశీలిస్తారు. ఈ మహా పర్వదినాన్ని పురస్కరించుకుని అయోధ్య స్థానికులు, దేశ్య వ్యాప్తంగా ప్రతి ఒక్కరు తమ ఇళ్ల వద్ద దీపం వెలిగించాలని సాదు, సంతతులు పిలుపునిచ్చారు.
ప్రధాన పూజారిలలో ఒకరైన ఆచార్య సత్యేంద్ర దాస్ ఈ చారిత్రాత్మక రోజును పండుగ లాగా జరుపుకోవాలని సూచించారు. ఈ సందర్భంగా, సరయు ఘాట్ల వద్ద ఘనంగా హారతి నిర్వహింపనున్నారు. శ్రీ రామ్ ను నూతన వస్త్రాలతో అలంకరిస్తారు. సరయు ఘాట్ల వద్ద ఘనంగా ఆర్తి నిర్వహించబడుతుందని, రేపు శ్రీ రామ్ కొత్త దుస్తులతో అలంకరించబడతారని నివేదికలు సూచిస్తున్నాయి.
దేవాలయ సముదాయంలో మ్యూజియం, డిజిటల్ ఆర్కైవ్, పరిశోధనా కేంద్రం కూడా అందుబాటులోకి రానున్నాయి. ముందుగా 2024 లో పార్లమెంట్ ఎన్నికలకు ముందు అయోధ్యలోని రామ జన్మభూమిలో ఆలయ నిర్మాణం పూర్తవుతుందని తెలిపారు. విగ్రహం ప్రతిష్టించిన తర్వాత, ఆలయంను భక్తుల దర్శనం కోసం తెరుస్తారు. అయితే, రాళ్లపై చెక్కడం, మిగిలిన ఆలయ సముదాయం నిర్మాణం వంటి నిర్మాణ కార్యకలాపాలు కొనసాగుతాయి.
“ఆలయం, దర్శనం పూర్తి చేయడంలో వ్యత్యాసం ఉంది. 2023 చివరి నాటికి భక్తుల సందర్శన కోసం ఈ ప్రాంతాన్ని తెరవడానికి మేము ప్రయత్నం చేస్తున్నాము” అని ట్రస్ట్ అధికారి ఒకరు చెప్పారు, ఆలయం పూర్తయ్యేలోపు భక్తుల కోసం తెరుస్తారు. ఆలయ స్థలంలో పునాది పనులు ముమ్మరంగా జరుగుతున్నాయి. ఈ అక్టోబర్ నాటికి ఈ పనుల నిర్మాణం పూర్తయి.. మొదటి అంతస్తు పనులు ప్రారంభం కానున్నాయి.
రామజన్ణం భూమి తీర్థ క్షేత్ర ట్రస్ట్ జనరల్ సెక్రటరీ చంపత్ రాయ్ ప్రకారం, పునాది పనుల్లో మూడు వేర్వేరు ప్రదేశాల నుంచి రాళ్లు ఉపయోగిస్తున్నారు. వీటిలో మీర్జాపూర్, రాజస్థాన్కు చెందినవి కూడా ఉండనున్నాయి.
యంత్రాల ద్వారా 70 శాతానికి పైగా పనులు జరుగుతున్నాయని, అందువల్ల నిర్మాణ కార్యకలాపాలపై కరోనా సంక్షోభం ప్రభావం లేదని ఆయన చెప్పారు. 12 గంటల చొప్పున రెండు షిఫ్టుల్లో పనులు జరుగుతున్నాయి. ప్రధాన ఆలయం మూడు అంతస్తులతో ఉంటుందని, ఐదు మండపాలు ఉంటాయి.
నేషనల్ జియో రీసెర్చ్ ఇన్స్టిట్యూట్ ఆఫ్ హైదరాబాద్, ఇండియన్ ఇన్స్టిట్యూట్ ఆఫ్ టెక్నాలజీ (ఐఐటి) గువాహటి నుంచి నిపుణులు ఆలయ నిర్మాణంలో సలహాలు ఇస్తున్నట్లు చంపత్ రాయ్ తెలిపారు. 2024 నాటికల్లా మొత్తం ఆలయం నిర్మాణ పనులు పూర్తిచేయాలని నిర్మాణ కమిటీ లక్ష్యంగా పెట్టుకున్నది.
తొలి విడత నిర్మాణం పనులు వచ్చే ఏడాది కల్లా పూర్తి చేయనున్నారు. సవరించిన విస్తరణ ప్రణాళిక ప్రకారం, ఇప్పుడు ఆలయం నిర్మాణ పనులు 70 ఎకరాలకు బదులుగా 107 ఎకరాల్లో జరుగనున్నాయి. వసతుల సముదాయం, నివాస ప్రాంతం వంటి మరికొన్ని పనులు కూడా చేపట్టాలని నిర్ణయించారు. ఇందుకోసం ప్రైవేట్ యజమానుల నుంచి భూమి కొనుగోలు చేయనున్నారు. ఇటీవల ఆలయ ట్రస్ట్ రూ.1 కోటి చెల్లించి సమీపంలోని 7,285 చదరపు అడుగుల భూమిని కొనుగోలు చేసింది.
ఆగష్టు 5, 2020 న, ప్రధాన మంత్రి నరేంద్ర మోదీ ‘శ్రీ రామ జన్మభూమి మందిరం’ వద్ద భూమి పూజ చేస్తూ ఇది చారిత్రాత్మకమైనదిగా పేర్కొంటూ, భారతదేశం ఈ రోజు అద్భుతమైన అధ్యాయాన్ని ప్రారంభిస్తోందని పేర్కొన్నారు.
More Stories
పోలింగ్ ముందు నగదు బదిలీకి జగన్ కు ఈసీ మోకాలడ్డు
బీజేపీని గెలిపించుకోవాలని కృత నిశ్చయంతో తెలంగాణ ప్రజలు
ఎస్ఐబీ మాజీ చీఫ్ ప్రభాకర్రావుపై అరెస్ట్ వారెంట్