ఇంద్రయాణి నదిపై వంతెన కూలి నలుగురు మృతి

పురాతన వంతెన తుప్పు పట్టిందని, కొత్త వంతెన నిర్మాణ ప్రణాళికకు ఓకే చేశామని డిప్యూటీ సీఎం అజిత్‌ పవార్‌ తెలిపారు. ఈ ప్రమాదంలో మృతి చెందిన కుటుంబాలకు రూ 5 లక్షల చొప్పున సహాయాన్ని ముఖ్యమంత్రి ఫడ్నవిస్ ప్రకటించారు. బాధితులు అందరికి పూర్తి వైద్య సహాయం అందించగలమని చెప్పారు.  ఇంద్రాయణి నదిపై ఈ ఇనుప వంతెనను 30 ఏళ్ల క్రితం నిర్మించినట్లు స్థానిక ఎమ్మెల్యే తెలిపారు. ఇది కేవలం కాలినడక మార్గమే అని, ప్రమాద సమయంలో వంతెనపై దాదాపు 100 మంది ఉన్నారని చెప్పారు. ఆదివారం కావడం వల్ల పెద్ద సంఖ్యలో కుండమలకు వచ్చిన పర్యాటకుల్లో పలువురు వంతెనపైకి చేరుకున్న సమయంలో ప్రమాదం జరిగింది.