దేశంలో 2710 యాక్టివ్ కరోనా కేసులు

దేశంలో కరోనా వైరస్ వేగంగా వ్యాపిస్తోంది. ఇప్పటికే కరోనా కేసులు 2710 దాటగా, గడిచిన 24 గంటల్లో ఏడుగురు మృతి చెందారు. కేంద్ర ఆరోగ్య శాఖ లెక్కల ప్రకారం అత్యధికంగా కేరళలో 1,147 కేసులు నమోదయ్యాయి. 424 కేసులతో మహారాష్ట్ర ఆ తర్వాతి స్థానంలో ఉంది. డిల్లీ-294, గుజరాత్‌ -223, కర్ణాటక-148, తమిళనాడు-148, పశ్చిమ బంగాల్‌-116 కేసులు నమోదైనట్లు కేంద్ర ఆరోగ్య శాఖ తెలిపింది.

 కాగా రాజస్థాన్‌- 51, ఉత్తరప్రదేశ్‌- 42, పుదుచ్చేరి- 25, హరియాణా- 20, ఆంధ్రప్రదేశ్‌- 16, మధ్యప్రదేశ్‌- 10, గోవా- 7, ఒడిశా-4, పంజాబ్-4, జమ్మూకశ్మీర్‌-4, తెలంగాణ-3, అరుణాచల్ ప్రదేశ్-3, చండీగఢ్-3, మిజోరం-2, అసోం-2 చొప్పున కరోనా కేసులు నమోదు అయ్యాయి.

గతవారంలో 5 రెట్ల వేగంతో కరోనా కేసులు పెరిగినట్టు అధికారులు చెప్పారు. కరోనా వైరస్‌ కారణంగా మహారాష్ట్రలో ఇద్దరు, డిల్లీ, గుజరాత్, కర్ణాటక, పంజాబ్, తమిళనాడులో ఒక్కొక్కరు చొప్పున చనిపోయారు. వైరస్‌ వ్యాప్తి వేగంగా జరగుతుండడం, మరణాలు కూడా క్రమంగా పెరగుతున్న నేపథ్యంలో ఆయా రాష్ట్ర ప్రభుత్వాలు అప్రమత్తమయ్యాయి. కరోనా లక్షణాలు ఉన్న పిల్లలను పాఠశాలలకు పంపవద్దని ఇప్పటికే కర్ణాటక ప్రభుత్వం సర్క్యులర్​ జారీ చేసింది.