తిరిగి గణపతికి మావోయిస్టు సారధ్యం!

కొండపల్లి సీతారామయ్య మద్దతు దారుల నుండి నక్సల్ ఉద్యమాన్ని హస్తగతం చేసుకోవడంలో కీలక భూమిక వహించారు. రెండు కీలక నక్సల్ గ్రూపుల విలీనంతో మావోయిస్టు పార్టీ ఏర్పాటుకు కూడా సారధ్యం వహించారు.   అయితే అవకాశాన్ని భద్రతా దళాలు కొట్టిపారవేస్తున్నాయి. “అనారోగ్యంతో బాధపడుతున్న గణపతి చికిత్స, విశ్రాంతి కోసం ఇన్నేళ్లు ఫిలిప్పీన్స్‌లో ఉన్నారు. ఎన్‌కౌంటర్‌లో బసవరాజు మరణించిన తర్వాత ఆయన దేశానికి తిరిగివచ్చారు. ప్రస్తుతం మావోయిస్టు పార్టీకి సలహాదారుగా గణపతి ఉన్నారు. 70వ పడిలో ఉన్న ఆయన ఆరోగ్య పరిస్థితి దృష్ట్యా మావోయిస్టులకు అధిపతిగా ఆయన తిరిగి బాధ్యతలు చేపట్టలేరు” అని భావిస్తున్నాయి.

మరోవంక, మావోయిస్టు పార్టీ ప్రధాన కార్యదర్శి బాధ్యతలను ఆంధ్రప్రదేశ్‌ లేదా తెలంగాణకు చెందిన సీనియర్‌ కమాండర్‌ చేపట్టే అవకాశాలున్నాయని ప్రచారం కూడా జరుగుతుంది. అయితే, బసవరాజు వారసుడి పేరును అధికారికంగా ప్రకటించే అవకాశం లేదని మావోయిస్టు వర్గాలు స్పష్టం చేస్తున్నాయి.  గుండెపోటుతో రామన్న మరణించిన తర్వాత దండకారణ్య స్పెషల్‌ జోనల్‌ కమిటీ కార్యదర్శిగా రామచంద్రా రెడ్డి ఎప్పుడు బాధ్యతలు తీసుకున్నారో అధికారికంగా ప్రకటించ లేదని గుర్తు చేస్తున్నారు.