క‌న్న‌డ ర‌చ‌యిత భాను ముస్తాక్‌కు బూక‌ర్ ప్రైజ్‌

అంద‌మైన జీవిత క‌థ‌ల‌కు చెందిన ర‌చ‌న‌లు క‌న్న‌డ నుంచి వ‌చ్చాయ‌ని, రాజ‌కీయ‌, సామాజిక అసాధార‌ణ ప‌రిస్థితుల్లో ఆ క‌థ‌ల్లో వ‌ర్ణించార‌ని పోర్ట‌ర్ తెలిపారు. మ‌హిళ‌ల జీవితాలు, పున‌రుత్ప‌త్తి హ‌క్కులు, విశ్వాసాలు, కులం, అధికారం, అణిచివేత‌కు సంబంధించిన కోణంలో క‌థ‌లు ఉన్న‌ట్లు పేర్కొన్నారు. ఆంగ్ల భాష పాఠ‌కులకు హార్ట్ ల్యాంప్ నిజంగానే కొత్త అనుభూతిని ఇస్తుంద‌ని పోర్ట‌ర్ చెప్పారు.

1990 నుంచి 2023 వ‌ర‌కు ఈ క‌థా సంక‌ల‌నం రాశారు. ఆ క‌థ‌ల‌ను అత్యుద్భుతంగా దీప అనువాదం చేశారు. చిన్న ప‌ట్ట‌ణాల‌కు చెందిన జీవితాల‌ను ఆ క‌థ‌ల్లో మ‌లిచిన తీరు ఎంతో చ‌మ‌త్కారంగా ఉంటాయ‌ని విశ్లేష‌కులు చెప్పారు. బూక‌ర్ ప్రైజ్ కింద 50 వేల పౌండ్లు ఇవ్వ‌నున్నారు. ర‌చ‌యిత భాను ముస్తాక్‌, ట్రాన్స్‌లేట‌ర్ దీప ఆ అవార్డు న‌గ‌దును పంచుకుంటారు.