బిజెపి ఆధ్వర్యంలో వాజపేయి శతజయంతి ఉత్సవాలు

డిసెంబరు 24వ తేదీ మ. ఒంటిగంటకు బిజెపి రాష్ట్ర కార్యాలయంలో వాజ్ పేయి జీవిత చరిత్రకు సంబంధించిన ఫొటో ఎగ్జిబిషన్ కార్యక్రమాన్ని కేంద్రమంత్రి జి.కిషన్ రెడ్డి, రాజ్యసభ సభ్యులు సుధాన్షు త్రివేది ప్రారంభిస్తారు.  డిసెంబరు 25వ తేదీన రాష్ట్ర వ్యాప్తంగా అన్ని పోలింగ్ బూత్ లలో వాజ్ పేయి గారి చిత్రపటానికి నివాళులర్పించి, శద్ధాంజలి ఘటిస్తారని ఆయన వివరించారు.

అన్ని మండల కేంద్రాల్లో శోభాయాత్ర నిర్వహించిన అనంతరం కూడళ్లలో వాజ్ పేయి గారి స్మారకంగా సభలు నిర్వహిస్తారు.  రాష్ట్ర వ్యాప్తంగా అన్ని జిల్లా కేంద్రాల్లో ఫొటో ఎగ్జిబిషన్ తో పాటు వాజ్ పేయి కవితా సంపుటిని, దేశానికి చేసిన సేవలను కొనియాడుతూ సదస్సులు, ప్రదర్శనల నిర్వహిస్తారు. ప్రతి మండల, జిల్లా కేంద్రంలో బిజెపి యువమోర్చా ఆధ్వర్యంలో రక్తదాన శిబిరం నిర్వహిస్తారని డా. వెంకటేశ్వర్లు తెలిపారు.

స్వచ్ఛ భారత్ కార్యక్రమం, దవాఖానాల్లో రోగులకు పండ్లు, పేదలకు దుప్పట్ల పంపిణీతో పాటు వివిధ సేవా కార్యక్రమాలను నిర్వహిస్తారు. హైదరాబాద్ లో ఉ. 11 గం.లకు భారతీయ జనతా పార్టీ రాష్ట్ర కార్యాలయంలో వందమందితో రక్తదాన శిబిరం నిర్వహిస్తారు. మ. 3 గం.లకు అంబేద్కర్ విగ్రహం నుంచి భారతీయ జనతా పార్టీ రాష్ట్ర కార్యాలయం వరకు శోభాయాత్ర జరుపుతారు.