టాటా ట్రస్ట్స్‌ చైర్మన్‌గా నోయెల్‌ టాటా నియామకం

టాటా స్టీల్ అండ్ టైటాన్ కంపెనీ లిమిటెడ్ వైస్ ప్రెసిడెంట్‌గా, సర్ రతన్ టాటా ట్రస్ట్, సర్ దొరాబ్జీ టాటా ట్రస్ట్ బోర్డుల్లో ట్రస్టీగా ఉన్నారు. టాటా ఇంటర్నేషనల్ లిమిటెడ్ మేనేజింగ్ డైరెక్టర్‌గా ఆగస్ట్ 2010 నుంచి నవంబర్ 2021 సేవలందించారు. ఆయన పదవీకాలంలో కంపెనీ టర్నోవర్‌ను 500 మిలియన్‌ డాలర్ల నుంచి 3వేల బిలియన్లకు పెంచారు.

రతన్‌ టాటా తల్లిదండ్రులు నావ‌ల్ టాటా, సూని టాటా 1940లో విడిపోయారు. ఆ తర్వాత నావల్‌ టాటా సిమోన్‌ను వివాహం చేసుకున్నారు. వీరికి పుట్టిన కుమారుడే నోయెల్‌ టాటా. ఆయన 1957 లో జన్మించాడు. ససెక్స్ విశ్వవిద్యాలయం నుంచి బ్యాచిలర్ డిగ్రీని అందుకున్నాడు. ఇన్సెడ్ లో ఇంటర్నేషనల్ ఎగ్జిక్యూటివ్ ప్రోగ్రామ్ ని కూడా పూర్తి చేశాడు.నోయెల్‌ టాటా.

టాటా సన్స్‌లో అతిపెద్ద వాటాదారు అయిన పల్లోంజి మిస్త్రీ కుమార్తె ఆలూ మిస్త్రీని వివాహం చేసుకున్నాడు. వీరికి ముగ్గురు పిల్లలు..మయా టాటా, నెవిల్లే టాటా, లీ టాటా ఉన్నారు. వీరు కూడా టాటా సంస్థలో పలు హోదాల్లో బాధ్యతలు నిర్వర్తిస్తున్నారు.