వైద్యురాలిపై హత్యాచారం కేసు సీబీఐకి అప్పగింత

ట్రైయినీ వైద్యురాలి మృతి నేపథ్యంలో కాలేజీ ప్రిన్సిపాల్ ప్రొ. సందీప్ ఘోష్‌పై సోషల్ మీడియాలో విమర్శలు అయితే వెల్లువెత్తాయి.  దాంతో కాలేజీ ప్రిన్సిపాల్ పదవికి సందీప్ ఘోష్ రాజీనామా చేసిన కొన్ని గంటలకే మరో కళాశాల ప్రిన్సిపాల్‌గా ఆయన ఎలా నియమితులయ్యారని రాష్ట్ర ప్రభుత్వ న్యాయవాదిని ఈ సందర్భంగా హైకోర్టు ప్రశ్నించింది. 

అలాగే ఈ రోజు మధ్యాహ్నం 3.00 గంటలలోపు ప్రొ. సందీప్ ఘోష్ దీర్ఘ కాలిక సెలవుపై వెళ్లాలని, లేని పక్షంతో అందుకు తగినట్లుగా ఆదేశాలు జారీ చేస్తామని హైకోర్టు స్పష్టం చేసింది.  మరోవైపు ఈ కేసు దర్యాప్తులో పోలీసులకు ముఖ్యమంత్రి వారం రోజులు గడువు ఇవ్వడం ఏమిటని ఆందోళన చేస్తున్న వైద్యులు ప్రశ్నించారు. 

ఈ విచారణతో తాము సంతోషంగా లేమని వారు స్పష్టం చేశారు. అయితే తమ డిమాండ్లు స్పష్టంగా ఉన్నాయని పేర్కొంటూ ఈ వ్యవహారంలో న్యాయ విచారణ జరిపి దోషులకు కఠిన శిక్ష విధించాలని కోరుతున్నామని స్పష్టం చేశారు. అలాగే బాధితురాలి కుటుంబానికి నష్ట పరిహారం భారీగా అందజేయాలని డిమాండ్ చేశారు.