మలావీ విమాన ప్రమాదంలో ఉపాధ్యక్షుడు సహా 10 మంది మృతి

ఈ ఘటనలో మలావీ ఉపాధ్యక్షుడు సౌలస్‌ షిలిమాతో పాటు మరో 9 మంది దుర్మరణం చెందినట్లు ఆ దేశ అధ్యక్షుడు లాజరస్‌ చక్వేరా వెల్లడించారు. ఈ విమానం కోసం మాలవీ భారీ సెర్చ్ ఆపరేషన్ చేపట్టింది.

వందల మంది సైనికులు, పోలీసులు, అటవీ శాఖ అధికారులతో ముమ్మరంగా గాలించారు. ప్రతికూల వాతావరణం ఉన్నప్పటికీ, ప్రాణాలకు తెగించి ఆపరేషన్ నిర్వహించారు. పొరుగు దేశాల సాయం తీసుకొని హెలికాప్టర్లు, డ్రోన్లను రంగంలోకి దించారు. కానీ, చివరికి విషాద వార్తే వినాల్సి వచ్చింది. గల్లంతైన విమానం శకలాలను గుర్తించామని, అందులో ఎవరూ ప్రాణాలతో మిగిలిలేరని మలావీ అధ్యక్షుడు తెలిపారు.