2023లో 94 మంది జర్నలిస్టుల మృతి, 400 మంది జైలు

మీడియా నిపుణులకు మెరుగైన రక్షణ కల్పించాలని, వారిపై దాడికి పాల్పడిన వారిపై కఠిన చర్యలు తీసుకోవాలని పిలుపునిచ్చింది. జర్నలిస్టుల రక్షణ కోసం అంతర్జాతీయ నూతన ప్రమాణాలను రూపొందించాల్సిన ఆవశ్యకత ఉందని, సమర్థవంతంగా అమలు చేయాల్సి ఉందని ఐఎఫ్‌జె అధ్యక్షుడు డొమినిక్‌ ప్రదాలియే పేర్కొన్నారు.

గత 30 ఏళ్లలో సంఘర్షణల్లో మరణించిన వారి కన్నా ఇజ్రాయిల్‌ హమాస్‌ యుద్ధంలో మృతిచెందిన జర్నలిస్టుల సంఖ్య అత్యధికమని పేర్కొంది. హమాస్‌పై ఇజ్రాయిల్‌ యుద్ధం చేపట్టినప్పటి నుండి సుమారు 68 మంది జర్నలిస్టులు మరణించినట్లు తెలిపింది. 

ఇది రోజుకి ఒకరి కంటే ఎక్కువ, ప్రపంచవ్యాప్తంగా జర్నలిస్టుల మృతుల్లో 72 శాతమని పేర్కొంది. గాజాస్ట్రిప్‌లోని పాలస్తీనా జర్నలిస్టులు అత్యధికంగా మరణించడం ఆందోళన కలిగించే అంశంగా పేర్కొంది. ఇప్పటికీ పాలస్తీనాపై ఇజ్రాయిల్‌ దాడి కొనసాగిస్తోంది. 

1990లో విధి నిర్వహణలో మరణించిన జర్నలిస్టులను ఐఎఫ్‌జె నమోదు చేయడం ప్రారంభించినప్పటి నుండి గాజాపై జరిగిన యుద్ధంలో కన్నా .. ఏ ఒక్క సంఘర్షణ జర్నలిస్టులకు ప్రాణాంతకంగా మారలేదని తెలిపింది. ఉక్రెయిన్‌ కూడా జర్నలిస్టులకు ప్రమాదరకమైన దేశంగా ఉందని పేర్కొంది. ఆఫ్ఘనిస్తాన్‌, ఫిలిప్పీన్స్‌, భారత్‌, చైనా, బంగ్లాదేశ్‌లలో జర్నలిస్టుల మృతిని  కూడా ఐఎఫ్‌జె ప్రస్తావించింది.