అంబర్‌పేటలో 72 అడుగుల భారీ బతుకమ్మతో సరికొత్త రికార్డు!

గవర్నర్ శివ ప్రతాప్ శుక్లా పాల్గొంటూ బతుకమ్మ పండుగ తెలంగాణ ప్రజలకు ప్రతీక అని తెలిపారు. గునుగు, తంగేడు పూలను పేర్చి అందమైన బతుకమ్మను పేర్చి ప్రకృతిని ఆరాధిస్తుంటారని చెబుతూ దక్షిణ కాశీగా పేరొందిన వేములవాడలోని శ్రీ రాజరాజేశ్వర స్వామి దేవాలయం నుంచి ఈ పండుగ ప్రారంభమైందని ప్రాచీన కాలం నుంచి  నమ్మకం ఉందని తెలిపారు.

తెలంగాణ సాయుధ పోరాటంలో కూాడా బతుకమ్మ పండుగ విశిష్టత ఉండేదని చెబుతూ తెలంగాణ తొలి, మలి ఉద్యమంలో కూడా బతుకమ్మ పండుగ ద్వారా ప్రజలందరినీ ఒకచోట చేర్చడానికి ఉపయోగపడిందని చెప్పారు.  “ఎంతస్థాయికి చేరుకున్నా కూడా మన మూలాలను మర్చిపోకూడదు. మన సంస్కృతి, సంప్రదాయాలను ముందు తరాలకు అందించాల్సిన బాధ్యత మనందరిదీ” అని స్పష్టం చేశారు.