శివుడు పేదల దేవుడు, రాముడు ధనికుల దేవుడు

“శివుని హృదయంలో విష్ణువు, విష్ణువు హృదయంలో శివుడు ఉన్నారు. అదే సనాతన ధర్మం. బీజేపీ నాయకులు ఎప్పుడైనా ‘హర హర మహాదేవ్’ అంటారా? అని మీరు అడిగితే, ఇక్కడ గౌరవనీయ ప్రధానమంత్రి నరేంద్ర మోదీజీ స్వయంగా ఆ మాట అంటున్నారు. అందుకే హిందువులు కాంగ్రెస్ విభజన రాజకీయాలను గుర్తించాలి. హర హర మహాదేవ్. జై శ్రీ రామ్,” అని ఆయన చెప్పారు. 

 కాగా, దుర్మార్గపు కాంగ్రెస్ పార్టీ ‘విభజించి పాలించు’ విధానంపైనే ఆధారపడి మనుగడ సాగిస్తోందని బిజెపి రాష్ట్ర అధ్యక్షుడు ఎన్ రామచందర్ రావు ఆగ్రహం వ్యక్తం చేశారు. వారు కులం, ప్రాంతం, మతం ప్రాతిపదికన మన మాతృభూమిని, ప్రజలను విభజించారని, ఇప్పుడు మన దేవుళ్లను కూడా విభజించాలని చూస్తున్నారని మండిపడ్డారు. “సిగ్గుచేటు! హిందువులను విభజించి ముస్లింలను ఏకం చేయడం—సీఎం రేవంత్ రెడ్డి వ్యాఖ్యలు హిందువుల పట్ల కాంగ్రెస్ పార్టీకి ఉన్న దశాబ్దాల నాటి తీవ్ర ద్వేషాన్ని ప్రతిబింబిస్తున్నాయి” అని విమర్శించారు.

రేవంత్ రెడ్డి దేవుళ్ల పై చేసిన వ్యాఖ్యలు హిందూ ధర్మానికి అవమానం అని పేర్కొంటూ  గతంలో కూడా తాగేవాళ్ల కు ఒక దేవుడు అని అవమాన కరం గా మాట్లాడారని ఆయన గుర్తు చేశారు. ఖైరతా బాద్ ఎన్నికల దృష్టి తో ముస్లింల ఓటు బ్యాంకు కోసం చేస్తున్న వ్యాఖ్యలు అని ఆరోపిస్తూ రాష్ట్ర వ్యాప్తంగా రేవంత్ రెడ్డి వ్యాఖ్యలకు వ్యతిరేకంగా నిరసన కార్యక్రమాలు నిర్వహించాలని బిజెపి కార్యకర్తలకు రాంచందర్ రావు పిలుపిచ్చారు.