ఉగ్రవాది మసూద్ అజార్ ఆచూకీపై తీవ్ర అనిశ్చితి

పాకిస్తాన్ ఆరోపణలపై ఆఫ్గనిస్తాన్ విదేశాంగ శాఖ స్పందిస్తూ, మసూద్ అజార్ తమ భూభాగంలో లేడని స్పష్టం చేసింది. తమ భూభాగం నుంచి ఇతర దేశాలకు వ్యతిరేకంగా ఎలాంటి ఉగ్రవాద కార్యకలాపాలను అనుమతించబోమని తేల్చిచెప్పింది. ఆఫ్గనిస్తాన్‌లో తాలిబన్లు అధికారం చేపట్టిన తర్వాత కూడా మసూద్ అజార్ తమ దేశంలో లేడని పునరుద్ఘాటించారు. 

రెండు దేశాలు అతడు తమ వద్ద లేడని ప్రకటనలు చేస్తున్నప్పటికీ, అంతర్జాతీయ నిఘా వర్గాల అంచనాల ప్రకారం మసూద్ అజార్ పాకిస్తాన్‌లోని బహావల్‌పూర్‌లో లేదా ఖైబర్ పఖ్తుంఖ్వా ప్రాంతంలో పాక్ ఆర్మీ, ఐఎస్ఐ రక్షణలోనే సురక్షితంగా ఉన్నాడని భావిస్తున్నారు.