జూన్ 25 నుంచి తెలంగాణలో ఎస్ఐఆర్ పక్రియ ప్రారంభం 

క్షేత్రస్థాయిలో బూత్ లెవల్ అధికారులు (బిఎల్ఓలు), రాజకీయ పార్టీల ఏజెంట్లతో నిరంతరం సమన్వయం చేసుకుంటూ, ఈ స్పెషల్ డ్రైవ్‌పై ప్రజల్లో విస్తృతమైన చైతన్యం తీసుకురావాలని స్పష్టం చేశారు ఈ ప్రత్యేక ప్రక్షాళన కార్యక్రమంలో భాగంగా జూన్ 25 నుంచి జూలై 24 వరకు నెల రోజుల పాటు బీఎల్ఓలు నేరుగా ఓటర్ల ఇళ్లకు వెళ్లి వివరాలను సేకరిస్తారు..

• జాబితాలో పేరుండి మరణించిన వారు, శాశ్వతంగా వేరే ప్రాంతాలకు వలస వెళ్లిన వారి వివరాలను తొలగిస్తారు.
• ఒకే వ్యక్తికి రెండు చోట్ల ఓటు ఉంటే (డూప్లికేట్/నకిలీ ఓట్లు) వాటిని గుర్తించి ప్రక్షాళన చేస్తారు.
• అర్హత ఉండి ఇప్పటివరకు ఓటు హక్కు లేని ప్రతి ఒక్కరికీ కొత్తగా ఓటు కల్పిస్తారు.
• ఈ భారీ సర్వే కోసం రాష్ట్రవ్యాప్తంగా 35,000 మందికి పైగా బీఎల్ఓలు, దాదాపు 26,000 మంది బూత్ లెవల్ ఏజెంట్లు క్షేత్రస్థాయిలో రంగంలోకి దిగనున్నారు.

ఈ ప్రత్యేక ఓటర్ల నమోదు, సవరణ ప్రక్రియకు 2026 అక్టోబర్ 1వ తేదీని అర్హత తేదీగా (కట్ ఆఫ్ డేట్) ప్రామాణికంగా తీసుకోనున్నారు. ఈ తేదీ నాటికి 18 ఏళ్లు నిండే యువతీయువకులు కూడా కొత్త ఓటు కోసం దరఖాస్తు చేసుకోవచ్చు. రాష్ట్రవ్యాప్తంగా ఉన్న సుమారు 3.39 కోట్ల మంది ఓటర్ల డేటాను ఈ సర్వేలో భాగంగా అధికారులు సమగ్రంగా రీ-వెరిఫై చేయనున్నారు. ఈ అరుదైన అవకాశాన్ని తెలంగాణ ప్రజలందరూ సద్వినియోగం చేసుకుని, తమ ఓటు వివరాలు సరిగ్గా ఉన్నాయో లేదో చూసుకోవాలని ఎన్నికల అధికారులు విజ్ఞప్తి చేశారు.