నేటి నుండే క్రికెట్ పండుగ ఐపీఎల్ సంబరాలు 

ఇలా ఉండగా,  ఈ మ్యాచ్ టికెట్లు ఇప్పటికే అమ్ముడవ్వగా  `మేము వీఐపీలం, ఐపీఎల్ టికెట్లు మాకు ఇవ్వరా?’ అని బెదిరించిన ఎంపీలు, మంత్రులు, ఎమ్మెల్యేల కోసం ఉచితంగా టిక్కెట్లు ఇవ్వాలని కర్ణాటక క్రికెట్ సంఘం ( కేఎస్‌సీఏ) నిర్ణయించింది.  శుక్రవారం ముఖ్యమంత్రి సిద్ధరామయ్యను కలిసిన కేఎస్‌సీఏ అధ్యక్షుడు వెంకటేశ్ ప్రసాద్ ఈ వివాదానికి తెరదించారు.  ఆయన ముఖ్యమంత్రిని కలిసి ఐపీఎల్ ఆరంభ వేడుకకు రావాల్సిందిగా ఆహ్వాన పత్రిక అందించారు. అంతేకాదు మంత్రులు, ఎమ్మెల్యేలు, ఎమ్మెల్సీలకు ఉచితంగా ఐపీఎల్ టికెట్లు ఇస్తామని ముఖ్యమంత్రికి తెలిపారు.

ఈ వ్యవహారంపై ఉపముఖ్యమంత్రి డీకే శివకుమార్ స్పందిస్తూ. “ఎంపీలు, మంత్రులు, ఎమ్మెల్యేలు, ఎమ్మెల్సీలకు నాలుగు టికెట్లు ఇవ్వాలని స్పీకర్ కోరారు. కానీ, ఇప్పటికే మ్యాచ్ టికెట్లు అమ్ముడయ్యాయి. రేపే మ్యాచ్‌ జరుగనున్నందున టికెట్ల సర్దుబాటుకు సమయం కూడా లేదు” అని చెప్పారు.  “టికెట్లు ఆశిస్తున్న ప్రజాప్రతినిధులు చాలామంది ఉన్నారు. వీరికి ఒకటే టికెట్ దక్కనుంది. అయిత కుటుంబంతో సహా వెళ్లేందుకు వీలుగా ఒక్కొక్కరికి రెండేసీ ఇవ్వాలని కర్నాటక క్రికెట్ సంఘం, ఆర్సీబీ కొత్త యాజమాన్యాన్ని అభ్యర్థించాను” అని పేర్కొన్నారు.

మార్చి 28న జరిగే ఐపీఎల్ మ్యాచ్‌ కు ఎమ్మెల్యేలు, మంత్రులు, వారి కుటుంబ సభ్యులకు కర్నాటక క్రికెట్ సంఘం టికెట్లు ఇవ్వడం లేదని, కానీ, ప్రభుత్వం నుంచి కేఎస్‌సీఏ అన్నిరకాల ప్రయోజనాలు పొందుతోందని అంటూ  హుంగుండ్ శాసనసభ్యుడు విజయానంద్ పేర్కొనడంతో రగడ మొదలైంది.  కర్ణాటక క్రికెట్ సంఘం ఎమ్మెల్యేలను మాత్రం గౌరవించడం లేదని పేర్కొంటూ ఈ విషయమై ప్రతిపక్ష నాయకుడు అసెంబ్లీలో లేవనెత్తిన ప్రతిపాదనకు ఆమోదం తెలిపారు.  ఎమ్మెల్యేలకు కనీసం ఐదు టికెట్లు ఇచ్చేలా చర్యలు తీసుకోవాలని స్పీకర్‌ను కోరాను అని విజయానంద్ తెలిపారు. అంతేకాదు మైదానంలో తమకు ప్రత్యేక సీట్లు కేటాయించాలని ఆయన డిమాండ్ చేశారు.