ఎవరూ చర్చించని ‘డచ్ డిసీజ్’, కొద్దిమందే సిద్ధంగా `ఏఐ తుఫాను’

‘డచ్ డిసీజ్’ అంటే ఏమిటి? అది మనకెందుకు ముఖ్యం?

1960లలో నెదర్లాండ్స్‌లో అపారమైన సహజ వాయువు నిక్షేపాలు బయటపడ్డాయి. దీనివల్ల దేశానికి భారీగా ఆదాయం వచ్చింది. కానీ, ఈ గ్యాస్ డబ్బు పెరగడంతో, అక్కడి సంప్రదాయ తయారీ రంగం దెబ్బతిన్నది. గ్యాస్ డబ్బుతో అన్నీ కొనుక్కోవచ్చన్న ధీమాతో, కొత్త పరిశ్రమలను అభివృద్ధి చేయడం మానేశారు. చివరకు గ్యాస్ నిక్షేపాలు తగ్గినప్పుడు, ఆ దేశం సొంతంగా వస్తువులను తయారుచేసే సామర్థ్యాన్ని కోల్పోయింది.

ఇప్పుడు కోస్తా ఆంధ్రాను చూడండి 

సాఫ్ట్‌వేర్ జీతం సులభంగా వస్తున్నప్పుడు, పదేళ్లు కష్టపడి పిహెచ్ డి చేయడం ఎందుకనే ధోరణి పెరిగింది. జీవితానికి అర్థం ఉందా? లేదా? అని కాకుండా, కేవలం ‘జీతం, వీసా’ ఉన్నాయా? లేదా? అన్నదే ప్రామాణికంగా మారింది. డొల్ల పునాదులపై దూసుకొస్తున్న ఏఐ తుఫాను సాఫ్ట్‌వేర్ రంగం మిగిలిన వృత్తులకు ఏం చేసిందో, ఇప్పుడు ఏఐ అదే పనిని సాఫ్ట్‌వేర్ రంగానికి చేస్తోంది. ప్రస్తుతం ఏఐ గురించి ఉన్న అవగాహన, 1990ల నాటి హర్షద్ మెహతా స్టాక్ మార్కెట్ బుడగలా ఉంది. అందరూ మాట్లాడుతున్నారు, కానీ లోతైన అవగాహన ఉన్నవారు తక్కువ.

రాబోయే ఏఐ ఆర్థిక వ్యవస్థ పనిని మూడు స్థాయిలుగా విభజిస్తుంది.  

మొదటి స్థాయి (భౌతిక నైపుణ్యం):ఎలక్ట్రీషియన్లు, ప్లంబర్లు, సర్జన్లు, వ్యవసాయ సాంకేతిక నిపుణులు. ఏఐ ఒక ఇంటికి వైరింగ్ చేయలేదు లేదా పొలంలోని సాగునీటి వ్యవస్థను రిపేర్ చేయలేదు. ఇది భవిష్యత్తులో అత్యంత స్థిరమైన రంగం కావచ్చు.

రెండవ స్థాయి (నిజమైన వ్యాపారవేత్తలు): కేవలం మధ్యవర్తిత్వం చేసే వ్యాపారాలు (ట్రావెల్ ఏజెంట్లు, రిక్రూట్‌మెంట్ కన్సల్టెంట్లు) ఏఐ వల్ల దెబ్బతింటాయి. కానీ మానవ సంబంధాలు, నమ్మకం, క్లిష్టమైన నిర్ణయాలపై ఆధారపడే వ్యాపారాలకు ఏఐ ఒక సాధనంగా మారుతుందే తప్ప, వాటిని భర్తీ చేయలేదు.

మూడవ స్థాయి (లోతైన మేధస్సు): శాస్త్రవేత్తలు, పరిశోధకులు, గణిత శాస్త్రజ్ఞులు. ఏఐ అందించే సమాచారాన్ని కేవలం వాడుకునే వారు కాదు, కొత్త విషయాలను కనుగొనే వారు.

ప్రమాదం ఎక్కడ ఉందంటే కోస్తా ఆంధ్రలోని మెజారిటీ సాఫ్ట్‌వేర్ తరం ఈ రెండవ, మూడవ స్థాయిల మధ్య ఉండే ‘మిడిల్ లేయర్’ (కోఆర్డినేటర్లు, జూనియర్ కన్సల్టెంట్లు)లో ఉన్నారు. ఏఐ ప్రధానంగా దెబ్బకొట్టేది ఈ మధ్య స్థాయి ఉద్యోగాలనే.

తల్లిదండ్రులకు ఒక సూచన