లాలూ కుటుంబంపై నేరాభియోగాలు న‌మోదు

ఉద్యోగ నియామ‌క స‌మ‌యంలో ఎటువంటి రిక్రూట్మెంట్ విధానాన్ని పాటించ‌లేదు. క్విడ్ ప్రోకో కింద ఉద్యోగులు ఇచ్చిన‌ట్లు ఆరోప‌ణ‌లు ఉన్నాయి. అయితే ఆ ఆరోప‌ణ‌ల‌ను యాద‌వ్ కుటుంబం ఖండించింది. రాజ‌కీయ కుట్ర‌తో త‌మపై ఆరోప‌ణ‌లు చేస్తున్నట్లు యాద‌వ్ ఫ్యామిలీ తెలిపింది. ఈ కేసుతో లింకున్న మ‌నీల్యాండ‌రింగ్ కోణంలో ఈడీ ద‌ర్యాప్తు చేప‌డుతున్నది. రూ. 600 కోట్ల ఆస్తులను ఇప్ప‌టికే సీజ్ చేసి అటాచ్ చేశారు.

ఓ క్రిమిన‌ల్ కంపెనీ త‌ర‌హాలో లాలూ యాద‌వ్ కుటుంబం ప‌నిచేసినట్లు జ‌డ్జీ గోగ్నే తెలిపారు. ఉద్యోగ క‌ల్ప‌న ప్ర‌క్రియ‌ను ఆస్తులు కూడ‌బెట్టుకునే విధానంగా మార్చుకున్న‌ట్లు లాలా కుటుంబంపై ఆరోప‌ణ చేశారు.  రైల్వే శాఖ‌ను వ్య‌క్తిగ‌త సొత్తుగా లాలూ వాడుకున్న‌ట్లు కోర్టు పేర్కొన్న‌ది. ఈ కేసులో 98 మంది నిందితులుగా ఉన్నార‌ని, దాంట్లో 46 మందిపై నేరాభియోగాలు న‌మోదు చేస్తున్నామ‌ని, మ‌రో 52 మందిని కేసు నుంచి డిశ్చార్జీ చేస్తున్న‌ట్లు కోర్టు తెలిపింది.

గతంలో, సీబీఐ ఈ కేసులోని నిందితుల స్థితికి సంబంధించి ఒక ధృవీకరణ నివేదికను సమర్పించింది. దాని ఛార్జిషీట్‌లో పేర్కొన్న 103 మంది నిందితులలో ఐదుగురు మరణించారని అందులో పేర్కొంది. ఈ కేసులో అధికారికంగా అభియోగాలను నమోదు చేయడం కోసం కోర్టు ఈ విషయాన్ని జనవరి 23వ తేదీకి వాయిదా వేసింది. ఈ విషయమై వివరణాత్మక ఉత్తర్వులు వెలువడాల్సి ఉంది.