అణు రంగంలో ప్రైవేట్ అనుమతి బిల్లుకు ఆమోదం

కాగా, దేశ అభివృద్ధి ప్రయాణానికి కొత్త దిశానిర్దేశం చేసే మైలురాయి చట్టమని కేంద్ర మంత్రి జితేంద్ర సింగ్ అభివర్ణించారు. ‘భౌగోళిక రాజకీయాల్లో భారత దేశం పాత్ర పెరుగుతున్నది. మనం ప్రపంచవ్యాప్త భాగస్వామిగా ఉండాలంటే, ప్రపంచ ప్రమాణాలు, ప్రపంచ వ్యూహాలను మనం అనుసరించాలి. ప్రపంచం స్వచ్ఛమైన శక్తి వైపు పయనిస్తోంది. మనం కూడా 2047 నాటికి 100 గిగావాట్ల అణుశక్తి సామర్థ్యాన్ని లక్ష్యంగా పెట్టుకున్నాం’ అని ఆయన పేర్కొన్నారు.

ఆరోగ్య సంరక్షణ, వ్యవసాయం, నీరు, ఆహార ప్రాసెసింగ్, పరిశ్రమ, పరిశోధన, పర్యావరణ పరిరక్షణ వంటి రంగాలలో అణు శాస్త్రం, సాంకేతిక పరిజ్ఞానాన్ని విస్తృతంగా ఉపయోగించుకునేందుకు వీలు కల్పిస్తూనే భారతదేశ అణు విద్యుత్ కార్యక్రమాన్ని బలోపేతం చేయడం ఈ బిల్లు లక్ష్యం. కృత్రిమ మేధస్సు-ఆధారిత అణు, రేడియేషన్ అప్లికేషన్‌లతో సహా అభివృద్ధి చెందుతున్న సాంకేతికతలను దృష్టిలో ఉంచుకుని నియంత్రణ నిర్మాణాన్ని ఆధునీకరించడానికి కూడా ఇది ప్రయత్నిస్తుంది.

మరోవైపు 2010 అణు ప్రమాద పౌర బాధ్యత చట్టం నిబంధనలను ఈ బిల్లు బలహీనపరిచినట్లు ప్రతిపక్షం ఆరోపించింది. అణు పరికరాల సరఫరాదారులను ప్రమాదాల బాధ్యత నుంచి ఈ బిల్లు తప్పించినట్లు విమర్శించింది.