ఇండిగో అంతర్గత సమస్యలతోనే ఈ సంక్షోభం

“ఫ్లైట్‌ డ్యూటీ టైమ్‌ లిమిటేషన్‌ (ఎఫ్‌డీటీఎల్‌) నియమాలతో ఎలాంటి సమస్యలూ లేవు. అందరితో చర్చించాకే ఎఫ్‌డీటీఎల్‌ నిబంధనలను రూపొందించాం. నెల వరకూ సజావుగానే విమాన సర్వీసులు నడిచాయి. డిసెంబర్‌ 1న జరిగిన సమావేశంలోనూ ఇండిగో ఎలాంటి సమస్యనూ లేవనెత్తలేదు. డిసెంబర్‌ 3 నుంచే సమస్య మొదలైంది” అని చెప్పారు.

 ఇండిగో విమానాల రద్దు, ఆలస్యం కారణంగా లక్షలాది మంది ప్రయాణికులు తీవ్ర ఇబ్బందులు ఎదుర్కొన్నారాని పేర్కొంటూ ప్రయాణికులకు కలిగిన ఈ అసౌకర్యానికి చింతిస్తున్నామని తెలిపారు.  అదేవిధంగా ప్రస్తుత సంక్షోభం నేపథ్యంలో టికెట్‌ ధరలు పెంచకుండా పరిమితి విధించినట్లు ఈ సందర్భంగా ఆయన తెలిపారు. టికెట్‌ ధరలను ఎప్పటికప్పుడు పర్యవేక్షిస్తున్నట్లు చెప్పారు. 

అయితే, ఇండిగో సంక్షోభంపై రామ్మోహన్‌ నాయుడు చెప్పిన సమాధానంపై విపక్ష ఎంపీలు అసంతృప్తి వ్యక్తం చేశారు. ఈ మేరకు ఎంపీలు సభ నుంచి వాకౌట్‌ చేశారు. ఈ గందరగోళం కారణంగా సభ మధ్యాహ్నం 2 గంటలకు వాయిదా పడింది.

కాగా, సంక్షోభం కారణంగా రద్దైన, ఆలస్యమైన విమానాల టికెట్ల రిఫండ్‌కు సంబంధించి ఇప్పటి వరకూ రూ.827 కోట్లను ఇండిగో చెల్లించినట్లు కేంద్ర విమానయాన మంత్రిత్వ శాఖ ప్రకటించింది. రెండు వారాల్లోనే ఈ మొత్తం రిఫండ్‌ చేసినట్లు తెలిపింది. నవంబర్‌ 21 నుంచి డిసెంబర్‌ 7 మధ్య రెండు వారాల్లో మొత్తం 9,55,591 టికెట్ల రద్దకు సంబంధించి రూ.827 కోట్లను తిరిగి చెల్లించినట్లు సంబంధిత వర్గాలు తాజాగా వెల్లడించాయి.