రాష్ట్రీయ స్వయంసేవక్ సంఘ్ (ఆర్ఎస్ఎస్) ఎవరినీ నాశనం చేయడానికి ఏర్పడలేదని, మొత్తం సమాజాన్ని సంఘటిత పరచాలని కోరుకుంటుందని సర్ సంఘచాలక్ డా. మోహన్ భగవత్ తెలిపారు. ప్రపంచంలో భారతదేశంకు ఉన్న వ్యవస్థ లేనందున వైవిధ్యాన్ని ఎలా నిర్వహించాలో ప్రపంచానికి నేర్పించాలని కూడా ఆయన సూచించారు. సంఘ్ ‘100 సంవత్సరాల సంఘ యాత్ర సిరీస్’లో భాగంగా జైపూర్‌లోని కాన్‌స్టిట్యూషన్ క్లబ్‌లో శతాబ్ది సంవత్సరం సందర్భంగా రాజస్థాన్‌కు చెందిన ప్రముఖ వ్యవస్థాపకులను ఉద్దేశించి భగవత్ ప్రసంగించారు.
“సంఘ్ ఎవరినీ నాశనం చేయడానికి ఏర్పడలేదు. భారతదేశంలో, మన గుర్తింపు హిందూ. హిందూ అనే పదం అందరినీ ఏకం చేస్తుంది. మన దేశం రాష్ట్రం ద్వారా కాదు, సంస్కృతి ద్వారా ఐక్యమైంది. గతంలో, అనేక రాష్ట్రాలు ఉన్నప్పుడు, మనం ఇప్పటికీ ఒకే దేశంగా ఉన్నాము; మనం విదేశీ పాలనలో ఉన్నప్పుడు కూడా, మనం ఒకే దేశంగా ఉన్నాము” అని ఆయన చెప్పారు.
ఆరోగ్యకరమైన సమాజ స్థితిని “సమాజ్ కా సంఘటనన్ (సమాజంలో సంఘటన/సమాజంలో ఐక్యత)” ద్వారా నిర్వచించారు. సంఘ్ గురించి ప్రత్యక్షంగా అనుభవించకుండా ఒక అభిప్రాయాన్ని ఏర్పరచుకోకూడదని, సంఘంలో చేరి శాఖలను సందర్శించి, తమకు తగిన కార్యాచరణ చేయాలని ఆయన కోరారు.
“సంఘ్ మొత్తం సమాజాన్ని సంఘటిత పరచాలని కోరుకుంటుంది. మొత్తం సమాజం ఒక సంఘంగా మారాలి అంటే, ప్రతి ఒక్కరూ దేశం కోసం ప్రామాణికత, నిస్వార్థతతో జీవించాలి” అని ఆయన చెప్పారు. సంఘ్ 100 సంవత్సరాల ప్రయాణాన్ని పూర్తి చేసినందుకు గుర్తుగా చేసే కార్యక్రమాలు “వేడుక” కాదని, భవిష్యత్తు, దాని పని విస్తరణకు ఒక దార్శనికత అని ఆయన పేర్కొన్నారు.
దేశాన్ని సంపన్నంగా, ప్రపంచ నాయకుడిగా మార్చడం ఏ ఒక్క వ్యక్తి శక్తికి మించినదని, నాయకులు, నినాదాలు, విధానాలు, పార్టీలు, ప్రభుత్వాలు, ఆలోచనలు, గొప్ప వ్యక్తులు, అవతారాలు, సంఘ్ వంటి సంస్థలు సహాయపడతాయని, కానీ అవి మూల కారణం కాలేవని ఆయన స్పష్టం చేశారు. “ఇది ప్రతి ఒక్కరి పని. ప్రతి ఒక్కరినీ దీని కోసం తీసుకెళ్లాలి” అని ఆయన సూచించారు. ఆర్ఎస్ఎస్ గురించి ఆయన మాట్లాడుతూ, దీనిని ఒకే అంశంపై స్థాపించలేదని, 1,500 సంవత్సరాలుగా సమాజంలో చెలరేగుతున్న చెడులను నిర్మూలించడం అవసరమని ఆర్ఎస్ఎస్ వ్యవస్థాపకుడు కేశవ్ బలిరామ్ హెడ్గేవార్ భావించారని తెలిపారు.
“మొత్తం హిందూ సమాజాన్ని సంఘటిత పరచకుండా, భారతదేశం ఈ దీర్ఘకాలిక వ్యాధి నుండి విముక్తి పొందదని ఆయన గ్రహించారు. అందువల్ల, ఒక దశాబ్దం పాటు ఆలోచనఎం ప్రయోగాల తర్వాత, ఆయన ఆర్‌ఎస్‌ఎస్‌ను స్థాపించారు” అని భగవత్ పేర్కొన్నారు. వ్యక్తులను నిర్మించడానికి సంఘ్ పనిచేస్తుందని, ఇది స్వయంసేవకులను సంఘటిత పరచి సిద్ధం చేస్తుందని, స్వయంసేవకులు మిగిలిన వాటిని చేస్తారని ఆయన వివరించారు.
సంఘ్ పని తదుపరి దశ గురించి భగవత్ మాట్లాడుతూ, సంఘ్ మొత్తం సమాజం దేశ ప్రయోజనాల కోసం జీవించాలని, అది ఐక్యంగా ఉండి తన స్వంత మార్గంలో పని చేయాలని, తద్వారా మనమందరం ఒకరినొకరు అడ్డుకోకుండా ఒకరినొకరు పూరించుకోవాలని ఆయన చెప్పారు.
“సమాజపు గొప్ప శక్తిని మేల్కొల్పాలి. సామాజిక సామరస్య వాతావరణాన్ని సృష్టించాలి. దేవాలయాలు, నీరు, శ్మశాన వాటికలు అందరికీ తెరిచి ఉండాలి. కుటుంబ సభ్యులందరూ కనీసం వారానికి ఒకసారి కలిసి వచ్చి తమ భాష, సంప్రదాయం ప్రకారం భోజనం, పూజలు చేయాలి. నీటిని ఆదా చేయడం, చెట్లను నాటడం, ప్లాస్టిక్‌ను తొలగించడం వంటి పర్యావరణ పరిరక్షణ పనులకు కూడా మనం ముందుకు రావాలి.” అని డా. భగవత్ చెప్పారు.
“ప్రతి ఒక్కరి మనస్సులో స్వీయ భావం, స్వదేశీ భావన మేల్కొలపాలి. దేశం స్వావలంబనగా మారాలి. మనం పౌర విధులు, పౌర క్రమశిక్షణ పట్ల అప్రమత్తంగా ఉండాలి. నియమాలు, చట్టాలు, రాజ్యాంగాన్ని పాటించాలి” అని ఆయన చెప్పారు.
More Stories
బిజెపి మాజీ కేంద్ర మంత్రి ఆర్ కె సింగ్ సస్పెండ్
బీహార్ చరిత్రలో కనిష్టంగా 10 మందే ముస్లిం ఎమ్యెల్యేలు!
కాంగ్రెస్‌లో త్వరలో మరో చీలిక .. మోదీ జోస్యం