కొత్తగూడెంలో ఆరుగురు మావోయిస్టులు లొంగుబాటు

లొంగిపోయిన వారిలో మావోయిస్టు కేంద్ర కమిటీ మహిళా సభ్యురాలు పోతుల పద్మావతి @ కల్పన @ మైనక్క @ సుజాతక్క ఈ నెల 13న  తెలంగాణ డిజిపి ముందు లొంగిపోగా, పునరావాసంలో భాగంగా ఆమెకు తెలంగాణ ప్రభుత్వం తరుపున లొంగిపోయిన రోజునే రూ. 25 లక్షలు ఇచ్చారు. ఈ కార్యక్రమంలో భాగంగా ఆదివాసి ప్రాంతాలలో రోడ్లు, పాఠశాలలు, వైద్యశాలలు, తాగునీరు, విద్యుత్తు సౌకర్యాలు అభివృద్ధి చేస్తున్నారు. ప్రతి మారుమూల గిరిజన ప్రాంతానికి నాణ్యమైన విద్య, వైద్య సౌకర్యాలు కల్పించడానికి కృషి చేస్తున్నామని ఎస్పీ తెలిపారు.

“మీరు నమ్మకంతోనో లేదా భయంలోనో మావోయిస్టు పార్టీకి ఎంత సహకరించినా మీ ఆదివాసి ప్రాంతాలు అభివృద్ధికి నోచుకోవు. కేవలం ప్రజాస్వామ్య ప్రభుత్వాల ద్వారా మాత్రమే అభివృద్ధి జరుగుతుంది. అభివృద్ధితో కూడిన ప్రజల శాంతియుత జీవనం మా పోలిసుల నినాదం” అంటూ ఆదివాసీ ప్రజలకు విజ్ఞప్తి చేశారు.