కాగా, బాధిత సిక్కు యవతి ఫిర్యాదుపై వెస్ట్ మిడ్‌ల్యాండ్స్‌ పోలీసులు స్పందించారు. జాత్యహంకార దాడిగా, ద్వేషపూరిత నేరంగా పరిగణిస్తున్నామని తెలిపారు. శ్వేతజాతీయులైన అనుమానితుల కోసం గాలిస్తున్నట్లు చెప్పారు. ఇద్దరు నిందితులకు సంబంధించిన సమాచారం, సీసీటీవీ ఫుటేజ్‌, డ్యాష్‌క్యామ్‌ ఫుటేజ్‌, మొబైల్‌ ఫుటేజ్‌ వంటి ఆధారాలు అందించి సహకరించాలని ప్రజలను కోరారు.
మరోవైపు బ్రిటన్‌లోని సిక్కు సమాజం ఈ సంఘటనపై ఆగ్రహం వ్యక్తం చేసింది. ఇటీవల కాలంలో జాత్యహంకార సంఘటనలు పెరుగడంపై సిక్కు ప్రజలు ఆందోళన వ్యక్తం చేశారు. లేబర్ పార్టీ ఎంపీ ప్రీత్ కౌర్ గిల్ ఈ దాడిని ఖండించారు. ‘తీవ్ర హింస, జాత్యహంకార చర్య’ అని అభివర్ణించారు. ‘ఆమె ఈ దేశానికి చెందిన మహిళ. బ్రిటన్‌ లేదా ఓల్డ్‌బరీలో ఎక్కడా జాత్యహంకారం, స్త్రీ ద్వేషానికి స్థానం లేదు. సిక్కు సమాజానికి న్యాయం జరిగేలా, వారి భద్రతను మెరుగుపరచడానికి పోలీసులతో కలిసి పనిచేస్తా’ అని ఎక్స్‌లో పేర్కొన్నారు.
ఇంగ్లాండ్ లో దక్షిణాసియా వర్గాలపై ద్వేషపూరిత నేరాలు పెరుగుతున్నాయనే ఆందోళనల మధ్య ఈ సంఘటన జరిగింది. వాటిలో ఇటీవల సిక్కు టాక్సీ డ్రైవర్లపై దాడులు కూడా ఉన్నాయి. ఇతర హై-ప్రొఫైల్ కేసులతో పోలిస్తే మీడియా నిశ్శబ్దం పట్ల నివాసితులు, ఆన్‌లైన్ వ్యాఖ్యాతలు నిరాశ వ్యక్తం చేశారు.
More Stories
వలసదారులకు వ్యతిరేకంగా లండన్‌లో భారీ ప్రదర్శన
ఢాకా యూనివర్సిటీలో తొలిసారి ఇస్లామిస్ట్ ల విజయం
మార్చి 5న నేపాల్ పార్లమెంటరీ ఎన్నికలు