శాంతి లేదా యుద్ధాన్ని ఎంచుకునే పరిస్థితి

 ఆధునీకరించిన తన డాంగ్‌ఫెంగ్‌-5సీ అణు క్షిపణిని రష్యా అధ్యక్షుడు వ్లాదిమిర్‌ పుతిన్‌, ఉత్తర కొరియా అధ్యక్షుడు కిమ్‌ జాంగ్‌ ఉన్‌తోసహా 20 దేశాలకు చెందిన ప్రపంచ నాయకుల సమక్షంలో చైనా అధ్యక్షుడు జీ జిన్‌పింగ్‌ ఈ పరేడ్‌ని వీక్షించారు. రెండవ ప్రపంచ యుద్ధం ముగింపునకు సంబంధించిన 80వ వార్షికోత్సవాలను పురస్కరించుకుని ప్రపంచంలోనే అత్యంత భారీ సైనిక పరేడ్‌ని చైనా నిర్వహించింది.

పరేడ్‌ని తిలకించేందుకు వచ్చిన 50,000 మందికిపైగా వీక్షకులను ఉద్దేశించి  జిన్‌పింగ్‌ ప్రసంగిస్తూ శాంతి లేక యుద్ధం, చర్చలా లేక ఘర్షణా అని ఎంచుకునే పరిస్థితిని ప్రపంచ ప్రజలు ఎదుర్కొంటున్నారని చెప్పారు. చైనా ఎటువంటి బెదిరింపులకు లొంగబోదని పరోక్షంగా అమెరికాను ప్రస్తావిస్తూ ఆయన వ్యాఖ్యానించారు. చైనాను ఎవరూ అడ్డుకోలేరని ప్రకటించారు.

పరేడ్‌లో భాగంగా చైనా తొలిసారి జెట్‌ ఫైటర్లు, క్షిపణులు, అణ్వాయుధాలు వంటి అత్యాధునిక ఆయుధ సంపత్తిని ప్రదర్శించినా, ప్రతి విన్యాసంలోనూ శాంతి ప్రాధాన్యతను నొక్కి చెబుతూ పరేడ్‌ సాగింది. ద్రవ ఇంధనంతో పనిచేసే ఈ ఖండాంతర క్షిపణికి 20,000 కిలోమీటర్లకు పైగా దూరాన ఉన్న లక్ష్యాన్ని కూడా ఛేదించే సామర్థ్యం ఉన్నట్లు చైనా ప్రభుత్వ ప్రసార సంస్థ సీసీటీవీ వెల్లడించింది.