బీఆర్ఎస్ నుండి కవిత సస్పెండ్, సిబిఐ విచారణకు హైకోర్టు అడ్డు!

ఎన్​డీఎస్​ఏ నివేదిక ఆధారంగా సీబీఐ విచారణకు సిఫారసు, సీబీఐ విచారణ కోరుతూ కేంద్ర హోంశాఖకు రాష్ట్ర ప్రభుత్వం లేఖ రాసింది. కాళేశ్వరం ఆనకట్టలపై విచారణ సీబీఐతో జరిపించాలని లేఖలో పేర్కొంది. కాళేశ్వరం నిర్మాణంలో లోపాలు ఉన్నట్లు ఎన్​డీఎస్​ఏ గుర్తించిందని రాష్ట్ర ప్రభుత్వం లేఖలో పేర్కొంది.  ప్రణాళిక డిజైన్​ నాణ్యత, నిర్మాణంలో లోపాలు ఉన్నాయని తెలిపింది. జస్టిస్​ పీసీ ఘోష్​ విచారణ కమిటీ కూడా లోపాలను గుర్తించిందన్నారు. ఎన్​డీఎస్​ఏ నివేదికపై అసెంబ్లీలో చర్చించామని తెలిపారు. 

అదేసమయంలో, కాళేశ్వరం ప్రాజెక్టుపై సీబీఐ దర్యాప్తు కోసం ప్రభుత్వం ప్రక్రియను వేగవంతం చేసింది. రాష్ట్రంలో సీబీఐకి ప్రవేశంపై ఉన్న అడ్డంకిని తొలగిస్తూ జీవో జారీ చేసింది.  తెలంగాణలో సీబీఐకి ప్రవేశం నిషేధిస్తూ 2022లో గత ప్రభుత్వం ఆదేశాలు జారీ చేసింది. ఆంక్షల నుంచి మినహాయింపు ఇస్తున్నట్లు హోంశాఖ జీవో ఇచ్చింది. కాళేశ్వరం అవకతవకలపై సీబీఐ విచారణకు సహకరిస్తామని జీవోలో వెల్లడించింది. ఎన్‌డీఎస్‌ఏ, పీసీ ఘోష్‌ నివేదికలను జీవోలో ప్రభుత్వం ప్రస్తావించింది. పీసీ ఘోష్ నివేదికపై అసెంబ్లీలో చర్చించామని జీవోలో పేర్కొంది. ప్రాజెక్టులో కేంద్ర సంస్థల ప్రమేయం దృష్ట్యా సీబీఐకి ఇవ్వాలని నిర్ణయించినట్లు ప్రభుత్వం వెల్లడించింది.