ఆపరేషన్ సిందూర్​లో 5 పాక్​ యుద్ధ విమానాలను కూల్చేశాం

“మన వైమానిక కేంద్రాలపై దాడుల భయం ఉండేది. అందుకే రాత్రీపగలు అని చూడకుండా మనం స్పందించాల్సిన పరిస్థితి ఏర్పడింది. ఈసారి ప్రత్యర్థి (పాకిస్థాన్‌) సాధారణ ఆయుధాలే కాకుండా సుదూర లక్ష్యాలను చేధించే ఆయుధాలను కూడా ఉపయోగించారు. వారి (పాక్‌) యుద్ధ విమానాలు మన వైమానిక స్థావరాలను లక్ష్యం చేసుకునే ప్రయత్నంచేశాయి” అని తెలిపారు. 

“ఈ సమయంలో మన గగనతల రక్షణ వ్యవస్థలు అద్భుతంగా పనిచేశాయి. ఇటీవలె మనం కొనుగోలు (రష్యా నుంచి) చేసిన ఎస్‌-400 గగనతల రక్షణ వ్యవస్థ ఒక గేమ్‌ ఛేంజర్‌లా పనిచేసింది. ఈ వ్యవస్థ వల్లే వారి (పాక్‌) యుద్ధ విమానాలు మన దరిదాపులకు కూడా రాలేకపోయాయి” అని ఏపీ సింగ్ చెప్పారు. అది చాలా హై-టెక్‌ యుద్ధంగా అభివర్ణిస్తూ కేవలం 80-90 గంటల్లోనే లక్ష్యాల్లో చాలా వరకు సాధించామని తెలిపారు. యుద్ధం ఇలాగే కొనసాగితే భారీ మూల్యం తప్పదని వారికి (పాక్‌) అర్థమైందని, అందుకే కాళ్ల బేరానికి వచ్చి, చర్చలు జరుపుదామని సందేశమిచ్చినట్లు గుర్తుచేసుకున్నారు. తాము దానికి అంగీకరించామని ఏపీ సింగ్ తెలిపారు.