గల్లంతైన పైలట్‌ను రక్షించాం.. రెస్క్యూ విమానం కూల్చివేత

ఇరాన్‌ సీనియర్‌ అధికారులను చంపేశాం

మరోవంక, ఇరాన్‌ రాజధాని టెహ్రాన్‌పై జరిపిన దాడులలో ఆ దేశానికి చెందిన పలువురు సీనియర్‌ సైనికాధికారులు చనిపోయారని ట్రంప్‌ తన సామాజిక మాధ్యమ వేదిక ట్రూత్‌ సోషల్‌ రాసుకొచ్చారు. దాడికి సంబంధించి ఒక నిమిషం ఏడు సెకన్ల నిడివి కలిగిన వీడియోను కూడా ఆయన షేర్‌ చేశారు. అందులో భారీ పేలుడు శబ్దాలు వినిపించాయి. ఆకాశంలో దట్టమైన పొగలు అలముకున్నాయి. అయితే ఈ దాడులు ఎప్పుడు జరిగిందీ ట్రంప్‌ వెల్లడించలేదు. 

తమతో ఒప్పందం చేసుకొని, హర్మూజ్‌ జలసంధిని తెరవని పక్షంలో నరకాన్ని చవిచూడాల్సి ఉంటుందంటూ హెచ్చరిక జారీ చేసిన తర్వాత ట్రంప్‌ ఈ వీడియోను విడుదల చేయడం గమనార్హం. ఇరాన్‌ కూడా ఈ దాడులపై ఇంతవరకూ స్పందించలేదు. ఇదిలావుండగా యుద్ధంలో ప్రాణాలు కోల్పోయిన ఇరాన్‌ కమాండర్‌ ఖస్సెమ్‌ సోలైమని బంధువుగా గుర్తించిన ఓ మహిళ శాశ్వత నివాస హోదాను అమెరికా రద్దు చేసింది.