కరాచీ అమెరికా కార్యాలయంపై దాడి.. 10 మంది మృతి

అమెరికా-ఇజ్రాయెల్‌ బలగాలు చేసిన భీకర దాడుల్లో ఇరాన్‌ సుప్రీం లీడర్‌ అయతుల్లా అలీ ఖమేనీ మృతిచెందడంపై పాకిస్థాన్‌ లోని కరాచీలో తీవ్ర ఆందోళనలు వెల్లువెత్తాయి. ఖమేనీ హత్యను నిరసిస్తూ ఆందోళనకారులు పెద్దఎత్తున కరాచీలోని ఆమెరికా రాయబార కార్యాలయం వైపు దూసుకొచ్చారు. పోలీసులు వారిని అడ్డుకునేందుకు ప్రయత్నించగా రాళ్లు రువ్వారు. 

బారీకేడ్‌లను తోసుకుంటూ కాన్సులేట్‌ను ముట్టడించేందుకు ప్రయత్నించారు. దాంతో పోలీసులు టియర్ గ్యాస్‌ ప్రయోగించారు. అయినా ఆందోళనకారులు వెరువలేదు. ఇంకా పెద్ద సంఖ్యలో నిరసనకారులు అక్కడికి చేరుకున్నారు. దాంతో పోలీసులు, ఆందోళనకారులకు మధ్య తీవ్ర ఘర్షణలు తలెత్తాయి. పోలీసులు లాఠీ చార్జి చేశారు. ఆందోళనకారులు తిరగబడ్డారు. ఈ ఘర్షణల్లో 10 మంది ప్రాణాలు కోల్పోయారు. పలువురికి గాయాలయ్యాయి.

వందలాది మంది నిరసనకారులు రాయబార కార్యాలయంలోకి దూసుకువెళ్లేందుకు యత్నించారని,  కిటికీలను ధ్వంసం చేశారని పోలీస్‌ అధికారి మహ్మద్‌ జావాద్‌ తెలిపారు. ఖమేనీ మరణానికి నిరసనగా షియా సంస్థలు కరాచీలోని యుఎస్ కాన్సులేట్ వైపు మార్చ్ నిర్వహించనున్నట్లు ప్రకటించాయి. మిషన్ వైపు కవాతు చేయాలనే ఉద్దేశ్యాన్ని వ్యక్తం చేశాయి.