బాలికల చదువుపై పరిమితులు విధించడంతో పాటు సినిమాలు చూడవద్దని, ఒంటరిగా బయట తిరగవద్దనే ఆంక్షలు అమలుచేస్తున్నారు. నూతన చట్టం ప్రకారం, భార్యకు తీవ్రమైన గాయాలు కలిగించినా భర్తకు గరిష్టంగా 15 రోజుల జైలు శిక్ష మాత్రమే విధించబడుతుంది. కోర్టులో వేధింపులు నిరూపించినప్పుడే బాధితురాలు న్యాయం పొందగలదు. విచారణ సమయంలో మహిళలు పూర్తిగా శరీరాన్ని కప్పుకోవాలి. గాయాలను న్యాయమూర్తికి చూపేందుకు మాత్రమే అనుమతి ఉంటుంది. భర్త అనుమతి లేకుండా బంధువులను సందర్శించిన వివాహిత స్త్రీలకు మూడు నెలల వరకు జైలు శిక్ష విధించే నిబంధన కూడా చట్టంలో ఉంది. ఆర్టికల్ 9 ప్రకారం, సమాజాన్ని నాలుగు వర్గాలుగా విభజించారు. మత పండితులు, ఉన్నత తరగతి, మధ్యతరగతి, దిగువ తరగతి. నేరానికి శిక్ష నేర తీవ్రత ఆధారంగా కాకుండా నిందితుడి సామాజిక స్థితిని బట్టి నిర్ణయించబడుతుంది.

మత పండితులను హెచ్చరికతో విడుదల చేస్తారు. ఉన్నత తరగతికి చెందిన వారిని కోర్టు హెచ్చరికతో వదిలివేస్తారు. మధ్యతరగతి వారికి జైలు శిక్ష విధిస్తారు. దిగువ తరగతి చెందిన వారికి జైలు శిక్షతో పాటు కఠిన శారీరక శిక్ష కూడా విధిస్తారు. తీవ్ర నేరాలకు శారీరక శిక్షలను జైలు అధికారులు కాకుండా ఇస్లామిక్ మతాధికారులు అమలు చేస్తారని పేర్కొనబడింది.