సొంత డిఎన్ఎతో కొత్త మానవజాతి సృష్టించే యత్నం 

అమెరికన్ బిలియనీర్, లైంగిక నేరస్థుడు జెఫ్రీ ఎప్‌స్టీన్‌ చేసిన మరో క్రూరమైన ప్రణాళిక వివరాలు బయటపడ్డాయి. ఎప్‌స్టీన్‌ తన సొంత డిఎన్ఎని ఉపయోగించి కొత్త మానవ జాతిని సృష్టించాలని ప్లాన్ చేశాడని నివేదికలు సూచిస్తున్నాయి. దీని కోసం, అనేక మంది మహిళలను ఒకేసారి గర్భవతిని చేయడానికి తన భారీ నివాసాలను ఉపయోగించడని నివేదికలు వెల్లడైంది.

న్యూ మెక్సికోలోని శాంటా ఫే వెలుపల ఉన్న తన విలాసవంతమైన ముప్పై మూడు వేల చదరపు అడుగుల నివాసం ఆధారంగా ఎప్‌స్టీన్‌ ఈ ప్రణాళికను రూపొందించారు. ఒకేసారి ఇరవై మంది మహిళలను ఇక్కడ ఉంచి, తన సొంత జాతిని పెంచుకోవడానికి తన స్పెర్మ్‌తో వారిని గర్భం దాల్చడం లక్ష్యంగా ప్రణాళికలు చేశారు. ఈ ఆలోచన గురించి ఆయన శాస్త్రవేత్తలు, ఇతర ప్రముఖ వ్యక్తులతో మాట్లాడారు.

నోబెల్ బహుమతి విజేతల స్పెర్మ్‌ను సేకరించి నిల్వ చేసిన పాత సంస్థ నుండి ఆయన ఈ ప్రేరణ పొందారు. ఎప్‌స్టీన్‌ తన సంపదతో ప్రపంచ ప్రఖ్యాత శాస్త్రవేత్తలను ఆకర్షించగలిగాడు. స్టీఫెన్ హాకింగ్‌తో సహా ప్రముఖ వ్యక్తులు అతని ఆహ్వానం మేరకు విందులు, చర్చలకు హాజరయ్యారు.  పేద దేశాలలో ఆకలిని అంతం చేయడాన్ని, ఆరోగ్య సౌకర్యాలను మెరుగుపరచడాన్ని ఆయన వ్యతిరేకించాడు.

జనాభా పెరుగుదలను నివారించడానికి అలాంటి సహాయాన్ని నిలిపివేయాలనేది అతని క్రూరమైన వాదన. మానవ జీవితాన్ని, సామర్థ్యాలను పెంచడానికి సాంకేతికతను ఉపయోగించాలనే ఆలోచనపై ఆయన ఆసక్తి కలిగి ఉన్నారు.  మరణం తర్వాత తన శరీర భాగాలను స్తంభింపజేయాలని కూడా ఆయన కోరుకున్నారు. ఎప్‌స్టీన్‌కు పిల్లలు ఉన్నారా లేదా అనే దానిపై ఇంకా అధికారిక నిర్ధారణ లేదు.

అయితే, 2002లో ఒక మైనర్ బాలికకు జన్మించిన బిడ్డను ఎప్‌స్టీన్‌ భాగస్వామి గిస్లైన్ మాక్స్‌వెల్ తొలగించారని డైరీ ఎంట్రీ చెబుతోంది. ఎప్‌స్టీన్‌ అధికారిక వీలునామాలో పిల్లల గురించి ప్రస్తావించలేదు. అతను తన ఆస్తులలో ఎక్కువ భాగాన్ని మృతి చెందిన తన స్నేహితురాలు కరీనా షులియాక్‌కు కేటాయించారు.