వెనెజువెలా తాత్కాలిక అధ్యక్షురాలితో ప్రధాని మోదీ చర్చలు

2026 జనవరి 3వ తేదీన అమెరికా దళాలు నాటి వెనెజువెలా అధ్యక్షుడు మదురోను అదుపులోకి తీసుకున్నాయి. తరువాత న్యూయార్క్‌లో ఆయనపై నార్కో టెర్రరిజం అభియోగాలు మోపారు. దీనితో జనవరి 5న డెల్సీ రోడ్రిగ్జ్ వెనెజువెలా తాత్కాలిక అధ్యక్షురాలిగా బాధ్యతలు చేపట్టారు. 

ప్రధాని కార్యాలయం (పీఎంవో) విడుదల చేసిన ప్రకటన ప్రకారం, వాణిజ్యం, పెట్టుబడులు, ఇంధన రంగం, డిజిటల్ టెక్నాలజీ, ఆరోగ్యం, వ్యవసాయం సహా ఇరు దేశాల ప్రజల మధ్య సంబంధాలను మరింత బలోపేతం చేయాలని ఇరువురు నేతలు నిశ్చయించుకున్నారు. ప్రాంతీయ, ప్రపంచ రాజకీయ అంశాలపై తమ అభిప్రాయాలను పంచుకున్న నేతలు, ‘గ్లోబల్ సౌత్’ (అభివృద్ధి చెందుతున్న దేశాల కూటమి) ప్రయోజనాల కోసం ఇరు దేశాల మధ్య సన్నిహిత సహకారం అత్యంత ఆవశ్యకమని నొక్కి చెప్పారు.