వీబీ–జీ రామ్ జీ చట్టం–2025 చారిత్రాత్మక సంస్కరణ

నరేగా పథకం ప్రపంచంలోనే అతి పెద్ద సంక్షేమ పథకాలలో ఒకటి కాగా, ఇప్పటివరకు ఈ పథకం మీద ఖర్చు చేసిన మొత్తం రూ. 11.53 లక్షల కోట్లు అని చెప్పారు. ఈ మొత్తం ఖర్చులో యూపీఏ ప్రభుత్వ కాలంలో పదేళ్లలో కేవలం రూ. 2.13 లక్షల కోట్లు మాత్రమే ఖర్చు చేయగా, నరేంద్ర మోదీ ప్రభుత్వం అధికారంలోకి వచ్చిన తర్వాత రూ. 8.53 లక్షల కోట్లు ఖర్చు చేశారని ఆయన చెప్పారు.ఈ  పథకంలో ఉన్న లోపాలు గ్రామాల్లో నివసించే ప్రతి ఒక్కరికీ  అనుభవంలోకి వచ్చిన విషయాలే అని స్పష్టం చేశారు.

ఫేక్ జాబ్ కార్డులు, ఫేక్ వర్కులు, లెక్కలకందని భారీ అవినీతి – ఇవన్నీ కాంగ్రెస్ పాలనలో సాధారణంగా మారాయని ఆరోపించారు. పేదల కోసం వచ్చిందని చెప్పిన మన్రేగా పథకం మధ్యవర్తుల చేతుల్లో పడిందని, కాంట్రాక్టర్లకు లాభంగా మారిందని ధ్వజమెత్తారు.అయితే, 2014 తర్వాత సంస్కరణల దిశగా కీలక అడుగులు వేశారని, ఆధార్ సీడింగ్ ద్వారా ఒకే వ్యక్తికి పది జాబ్ కార్డులు అనే పరిస్థితికి చెక్ పెట్టారని,  నకిలీ లబ్ధిదారులను వ్యవస్థ నుంచి తొలగించారని నర్సయ్య గౌడ్ తెలిపారు. నేరుగా నగదు బదిలీ ద్వారా మధ్యవర్తులను తొలగించి, కూలీ డబ్బులు నేరుగా లబ్ధిదారుల ఖాతాల్లోకి చేరేలా చేశారని, ఈ మార్పులతో వ్యవస్థలో పారదర్శకత వచ్చిందని, అవినీతికి బ్రేక్ పడిందని, బాధ్యత అనే భావన ఏర్పడిందని ఆయన వివరించారు.